Կիևում տեղադրվել է «Ոզնին մշուշի մեջ» մուլտֆիլմի հերոսի արձանը

ԵՐԵՎԱՆ, 27 հունվարի. /Նովոստի-Արմենիա/. Կիևի կենտրոնում տեղադրվել է «Ոզնին մշուշի մեջ» հայտնի խորհրդային մուլտֆիլմի գլխավոր հերոսի արձանը, երեքշաբթի հաղորդում է ՈՒՆԻԱՆ ուկրաինական գործակալությունը։

Ոզնին պատկերված է բարձր կոճղի վրա նստած՝ ձեռքին մի կապոց։ Քանդակը պատրաստված է փայտից և տեղադրված է Զոլոտովորտսկի, Ռեյտարսկի փողոցների և Գեորգևսկի նրբանցքի խաչմերուկում, հաղորդում է «ՌԻԱ Նովոստին»։

Յուրի Նորշտեյնի մուլտֆիլմը, որը 1975 թ.-ին նկարահանվել է «Սոյուզմուլտֆիլմում» և պատմում է մշուշի մեջ ոզնու ճամփորդության մասին, դարձել է համաշխարհային մուլտիպլիկացիայի դասականներից։-0-