Վրաստանի վարչապետը հրապարակել է պաշտպանության, էկոնոմիկայի և մշակույթի նախարարների պաշտոնների թեկնածուների անունները

Վրաստանի վարչապետ Գրիգոլ Մգալոբլիշվիլին երեքշաբթի հատուկ ճեպազրույցի ժամանակ հայտարարել է պաշտպանության, տնտեսական զարգացման և մշակույթի նախարարների պաշտոնների թեկնածուների անունները, հաղորդում է «ՌԻԱ Նովոստին»։

«Ես Վրաստանի նախագահին առաջարկեցի ԱՄՆ-ում նախկին դեսպան Դավիթ Սիխարուլիձեի թեկնածությունը երկրի պաշտպանության նախարարի պաշտոնում», - ասել է Մգալոբլիշվիլին։ Անցյալ շաբաթ վարչապետը հեռացրել էր Դավիթ Կեզերաշվիլուն պաշտպանության նախարարի պաշտոնից և նախարարության ղեկավարի պաշտոնակատար նշանակել նրա տեղակալ Բատու Կուտելիային:

Տնտեսական զարգացման նոր նախարարի պաշտոնն առաջարկվել է պատգամավոր, արտաքին քաղաքական կապերի հանձնաժողովի նախկին ղեկավար Լաշե Ժվանիային, իսկ արդեն էկոնոմիկայի նախկին նախարար Եկատերինա Շարաշիձեն կվերադառնա նախագահի աշխատակազմի ղեկավարի պաշտոնին։

Եվս մեկ պատգամավորի՝ պաշտպանության և անվտանգության հանձնաժողովի նախագահի տեղակալ Նիկոլոզ Ռուռուային առաջարկվել է մշակույթի նախարարի պաշտոնը։ Բոլոր վերը նշված թեկնածություններն ավելի ուշ կներկայացվեն Վրաստանի նախագահ Միխայիլ Սահակաշվիլու համաձայնությանն ու հավանությանը։-0-