ՀԱՊԿ-ն քննարկում է աշխատանքի համակարգման մեխանիզմը՝ պատերազմական և խաղաղ պայմաններում

ԵՐԵՎԱՆ, 11 մարտի./Նովոստի-Արմենիա/. ՀԱՊԿ-ն անհրաժեշտ է համարում Կազմակերպության կառույցների համար մշակել ռազմական կառույցների փոխգործակցության մեխանիզմ՝ պատերազմի և խաղաղ ժամանակներում հավաքական անվտանգության գործողությունների միջոցները համակարգելու համար, «ՌԻԱ Նովոստիին» հաղորդեց ՀԱՊԿ լրատվական ծառայության ներկայացուցիչը։

«ՀԱՊԿ-ին կից Մշտական խորհրդի նիստի ժամանակ քննարկվել է ՀԱՊԿ Միավորված շտաբում մշակված ՀԱՊԿ-ի նախագիծը՝ «Ռազմական կառավարման կոալիցիոն և ազգային մարմինների փոխգործակցության կարգի մասին դրույթներ՝ խաղաղ պայմաններում և պատերազմի ժամանակ հավաքական անվտանգության համակարգի ուժերի և միջոցների օգտագործման ուղղությամբ»,- ասաց ՀԱՊԿ քարտուղարության աշխատակիցը։

Պատրաստված նախագծում հստակեցված են կառավարման մարմինների փոխգործակցության հիմունքները՝ խաղաղ պայմաններում, սպառնալիքի ժամանակահատվածում և պատերազմի ժամանակ։ Դրույթների նախագիծը պատրաստվել է ՀԱՊԿ Ռազմական շինարարության կոալիցիոն պլանին համապատասխան՝ մինչև 2010 թվականը և հետագա զարգացման հեռանկարով։

ՀԱՊԿ անդամներն են Հայաստանը, Բելառուսը, Ղազախստանը, Ղրղզստանը, Ռուսաստանը, Ուզբեկստանը և Տաջիկստանը։--0—