Յոթ ռուսներ կմասնակցեն Հոկեի ազգային լիգայի «Բոլոր աստղերի» խաղին

Յոթ ռուսներ ընտրվել են Հոկեի ազգային լիգայի (ՀԱԼ) «Բոլոր աստղերի» ամենամյա խաղին մասնակցելու համար, տեղեկացնում է ՀԱԼ-ի պաշտոնական կայքը, հաղորդում է «ՌԻԱ Նովոստին»։

Ուրբաթ հրապարակվել է Արևելյան կոնֆերանսի հավաքականի ամբողջական ցանկը։ Երկրպագուների կողմից մեկնարկային հնգյակ ընտրված «Մոնռեալի» պաշտպան Անդրեյ Մարկովից բացի, ընդգրկվել են նաև հարձակվող Իլյա Կովալչուկը («Ատլանտա»), Ալեքսանդր Օվեչկինը («Վաշինգտոն») և պաշտպան Սերգեյ Գոնչարը («Պիտսբուրգ»)։

Ավելի վաղ Արևմտյան կոնֆերանսի հավաքականում էին ներառվել «Դետրոյտի» կենտրոնական հարձակվող Պավել Դացյուկը (մեկնարկային հնգյակ), դարպասապահ Եվգենի Նաբոկովը («Սան-Խոսե») և պաշտպան Սերգեյ Զուբովը («Դալաս»)։

«Բոլոր աստղերի» -2008 հանդիպումը տեղի կունենա Ատլանտայում հունվարի 27-ին։ Նրան մասնակցելու համար ընտրվել են ՀԱԼ-ի բոլոր 30 ակումբների ներկայացուցիչները։-0-