ՌԴ ՆԳՆ-ի աշխատակիցները ձերբակալել են Հայաստանի խորհրդարանի պատգամավորի վրա կատարած մահափորձի կասկածյալին

ՌԴ ՆԳՆ-ի աշխատակիցները ձերբակալալ են 2007 թ.-ի սեպտեմբերին Հայաստանի խորհրդարանի պատգամավոր Տիգրան Արզաքանցյանի վրա կատարած մահափորձի կասկածյալին, չորեքշաբթի «ՌԻԱ Նովոստի» գործակալությանը տեղեկացրել է իրավապահ մարմինների աղբյուրը։

«Օպերատիվ-հետախուզական միջոցառումների անցկացման ընթացքում շահամոլ դրդումներից ելնելով, հանցագործության կասկածանքով ձերբակալվել է աշխատանք չունեցող, նախկինում դատված մի տղամարդ», - ասել է աղբյուրը։

Հայաստանի խորհրդարանի պատգամավոր, կոնյակի արտարդությամբ զբաղվող «Գրեյթ Վելլի» ընկերության սեփականատեր Տիգրան Արզաքանցյանը վիրավորվել էր 2007թ. սեպտեմբերին՝ «Մետրոպոլ» հյուրանոցում տեղի ունեցած փոխհրաձգության հետևանքով։ Նախնական տվյալներով, խաղատանը տեղի է ունեցել վեճ կովկասյան հանրապետությունների մի քանի քաղաքացիների միջև, որի ժամանակ նրանցից մեկը կրակ է բացել։ Փոխհրաձգության փաստով հարուցվել է քրեական գործ՝ ՌԴ Քրեական օրենսգրքի 30, 150 հոդվածներով (մահափորձի կազմակերպում)։

Գործակալության աղբյուրի խոսքերով, ձերբակալման գործողությունները անց են կացրել ՌԴ ՆԳՆ-ի կազմակերպված հանցագործության և ահաբեկչության դեմ պայքարի վարչության աշխատակիցները։

Այժմ իրականացվում է մահափորձի այլ մասնակիցների որոնումը։ Ելնելով հետաքննության շահերից՝ ձերբակալվածի անձի և գործողության այլ մանրամասների մասին չի տեղեկացվում։-0-