Վրաստանի առաջիկա նախագահական ընտրություններում Միխայիլ Սահակաշվիլին համոզված է իր հաղթանակի մեջ

Միխայիլ Սահակաշվիլին համոզված է, որ Վրաստանը երկրորդ անգամ էլ իրեն կընտրի որպես  նախագահ՝ 2008 թ.-ի աշնանը կայանալիք նախագահական ընտրությունների ժամանակ, հաղորդում է «Նովոստի-Գրուզիա» գործակալությունը։

«Կարելի է բծախնդիր լինել տարբեր հարցերին ուղղված կառավարության աշխատանքին, սակայն երբ վերականգնվել է շուրջ 250 եկեղեցի, և այդքան շատ բան է արվում տաճարներում, ուղղակի ծիծաղելի է նման հայտարարություններ անել։ Երբ ես կվերընտրվեն երկրորդ անգամ, ապա երդում կտամ Գելատկի վանքում», - ասել է Սահակաշվիլին կիրակի «Ռուստավի-2» հեռուստաընկերության եթերում։

Վրաստանի նախագահը նշել է, որ ընտրությունների անցկացման տարեթիվը 2008 թ.-ի գարուն տեղափոխելու պահանջը ներկայացվում է ընդդիմադիր առաջնորդիների կողմից ոչ պատահականորեն։

«Պետք է գիտակցել Կոսովոյի հարցը, որը պետք է որոշվի հաջորդ տարվա սկզբին, ինչպես նաև այլ հարցեր։ Ապրիլին Բուխարեստում կայանալիք ՆԱՏՕ-ի գագաթնաժողովին մենք իրական հնարավորություններ ունենք անցնել ալյանս մուտք գործելու Ծրագրին», - նշել է Սահակաշվիլին։

«Մեզ անհրաժեշտ է հանգստություն և համախմբվածություն։ Ինչ փորձեր էլ չարվեն, Վրաստանը չի շեղվի որոշված ճանապարհից, և սկսած գործը կհասցնի վերջնակետի», - ասել է Վրաստանի նախագահը։

Միաժամանակ Սահակաշվիլին գոհունակություն է հայտնել Վրաստանի կառավարության և խորհրդարանի աշխատանքի մասին և հայտարարել է, որ իշխանության մարմինները «առավելագույն չափով համախմբված են»։

Նրա խոսքերով, «Վրաստանի համար միակ ճանապարհը դա բարեփոխումն է»։ Ընդ որում Սահակաշվիլին խոստացել է, որ 2008 թ.-ի գարնանը Վրաստանում նվազագույն թոշակը կլինի 50 լարի (30 դոլար)։-0-