Քաոս է տիրում Մաշտոցի պողոտայի և Ամիրյան փողոցի խաչմերուկում (ՖՈՏՈ)

ԵՐԵՎԱՆ, 20 ապրիլի. /Նովոստի Արմենիա/. Լարված իրավիճակ է տիրում Մաշտոցի պողոտայի և Ամիրյանի փողոցի խաչմերուկում մի քանի ժամվա ընթացքում։

Իրավապահները փորձում են թույլ չտալ փողոցների արգելափակում ակցիայի մասնակիցների կողմից։



Մայթերին հավաքվել են մեծ թվով ցուցարարներ, ովքեր ամեն րոպե փորձեր են կատարում փակել երթևեկելի հատվածը, նստացույց կազմակերպել։ Անցնող ավտոմեքենաները մշտապես ազդանշաններ են արձակում։ Ցուցարարների թվում շատ են երիտասարդները, ոմանք` երեխաների հետ։



Ցուցարարներին մշտապես միանում են ակտիվիստների նոր խմբեր, որոնք մոտենում են քաղաքի տարբեր հատվածներից, որտեղ մինչ այդ մասնակցել են ապակենտրոնացված ակցիաների։



Ոստիկանության հատուկ նշանակության ուժերը շղթայել են խաչմերուկին հարող փողոցների հատվածները։ Նրանց և ակցիաների մասնակիցների միջև ժամանակ առ ժամանակ լեզվակռիվներ և վեճեր են տեղի ունենում։ Կան տասնյակ բերման ենթարկվածներ։ -0-