ԵՐԵՎԱՆ, 23 մայիսի./Նովոստի–Արմենիա/. Հայաստանի կառավարությունը հինգշաբթի որոշում է կայացրել զինվորական ծառայության առանձնահատուկ պայմանների համար սահմանված հավելումների չափերի, առանձնահատուկ պայմանների անվանումների և այդ պայմաններում ծառայության իրականացման չափանիշների վերաբերյալ։
«Հայաստանի վարչապետի հանձնարարականի հիման վրա զինծառայողների վարձատրության չափերը բարձրացնելու նպատակով հավելում է նախատեսվում պաշտոնական պարտակությունների կատարման համար, ինչի արդյունքում զինծառայողների դրամական ապահովության չափերը բարձրանում են միջինը 10 տոկոսով», - ասաց պաշտպանության նախարար Դավիթ Տոնոյանը։
Նա միաժամանակ նշեց, որ հավելավճարների մասով կիրականացվի մոտավոր համահավասարեցում։
«Ավագ սպայական կազմը, կրտսեր սպայական կազմը և շարքայինները կստանան մոտավորապես հավասար հավելավճարներ»,– ասաց նախարարը։
Հայաստանի վարչապետ Նիկոլ Փաշինյանն իր հերթին հիշեցրեց, որ հունիսի 1–ից պետք է բարձրանան զինծառայողների աշխատավարձերը, և այդ կարգավորմամբ լուծվում է, այդ թվում, նաև այս խնդիրը։ Մասնավորապես, նա նշեց, որ այդ կերպ հատուկ պայմաններում ծառայողների և կրտսեր սպայական կազմի վարձատրության իրական բարձրացումն ավելի կլինի, քան հայտարարվել է ավելի վաղ։
«Այսինքն, ստացվում է, որ կրտսեր կամզինը ու հատուկ պայմաններում ծառայություն իրականացնող զինծառայողների աշխատավարձը կբարձրանա մինև 20 տոկոսով»,– ասաց նա։
Տոնոյանը նշեց, որ բարձրանում է միջինը 18 տոկոսով կրտսեր-ենթասպայական ու շարքային կազմի համար, բայց այն զինծառայողները, որոնք առանձնահոտւկ պայմաններում են իրականացնում իրենց ծառայությունը, ևս հավելում է լինելու։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում