Հայաստանում Իտալիայի պատմությունն ու համը. բուրրատա, մոցարելլա և ստրաչատելլա՝ բաղադրատոմսերով, որոնք արժե փորձել (ՖՈՏՈ)
ԵՐԵՎԱՆ, 10 նոյեմբեր․/Նովոստի-Արմենիա/. Իսկ դուք գիտեի՞ք, որ աշխարհի ամենանուրբ պանիրներից մեկը ստեղծվել է շատ պատահական, փոքրիկ իտալական խոհանոցում՝ մոտ մեկ դար առաջ։ Մի օր պանրագործը փորձում է փրկել մոցարելլայի մնացորդները, բայց այդ «սխալից» ծնվում է բուրրատան՝ իտալական պատահականությամբ ստեղծված հրաշք պանիրը։
Բուրրատան առաջին անգամ պատրաստվել է Իտալիայի Ապուլիա շրջանի Անդրիա քաղաքում դեռևս 20-րդ դարասկզբին։ Տեղացի պանրագործ Լորենցո Բյանչինոն մոցարելլայից մնացած հումքը խառնեց թարմ սերուցքին՝ ստեղծելով մոցարելլայի նուրբ շերտերում փաթաթված պանրային կապոցներ։ Նա չէր կարող պատկերացնել, որ այն հետագայում տարածվելու է ողջ տարածաշրջանում՝ դառնալով իտալական հարուստ խոհանոցի այցեքարտերից մեկը։
Մոցարելլայի պատմությունը, արդեն գուշակեցիք, ավելի հին է։ Այն ծագել է հարավային Իտալիայից, մասնավորապես՝ Նեապոլից: Անվանումը mozzare բայից է․ նշանակում է «կտրել», քանի որ պանրագործները ձեռքով կտրում էին փափուկ պանրային զանգվածը՝ վերածելով մոցարելլայի գնդիկների:
Ստրաչատելլան պանիրների այս նույն ընտանիքից է։ Այն հաճախ անվանում են բուրրատայի հոգի։ Ստրաչատելլան շատ հաճախ մատուցվում է որպես տարբեր ուտեստների բաղադրիչ մաս, սակայն քիչ չեն այն սիրահարները, որոնք այն վայելում են պարզապես հացով։
Այս երեք իտալական պանիրները ոչ միայն հետաքրքիր պատմություն և կառուցվածք ունեն, այլև աչքի են ընկնում իրենց օգտակար հատկանիշներով։
Երեքն էլ հարուստ են բարձրորակ սպիտակուցով, որը կարևոր է մկանների և հյուսվածքների վերականգնման համար։ Պարունակում են կալցիում, ֆոսֆոր և վիտամին B12, որոնք նպաստում են ոսկորների ամրությանը և նյարդային համակարգի առողջությանը։ Բնականաբար նրանք նաև ավելի քիչ նատրիում և ճարպ են պարունակում՝ համեմատած շատ հնեցված պանիրների հետ։ Պրոբիոտիկների աղբյուր են, երբ պատրաստվում են թարմ կաթից և ավանդական տեխնոլոգիաներով, նպաստում աղիների առողջությանը։
Հայկական շուկայում ինչպե՞ս գտնել որակյալ իտալական պանիրներ
Բուրրատան, մոցարելլան և ստրաչատելլան թարմ պանիրներ են, հետևաբար նրանց պահպանման ժամկետը կարճ է՝ 7-10 օր։ Հայկական շուկայում սեփական ֆերմայի անարատ և 100% բնական կաթից բուրատտա, մոցարելլա և ստրաչատելլա է արտադրում Երեմյան կաթնամթերքը՝ Հայաստանում սննդի անվտանգության միջազգային սերտիֆիկացմամբ միակ գործարանում, ժամանակակից պանրագործական արտադրամասում։
Գործարանում հաճախ են հյուրընկալվում բարձր որակավորում ունեցող իտալացի տեխնոլոգներ՝ փորձի փոխանակման և կատարելագործման նպատակով։ Երեմյան կաթնամթերքի բուրրատան պահպանում է իտալական համի և որակի ավանդույթը՝ շնորհիվ նուրբ, թեթև կառուցվածքի և բնական բաղադրության։ Համադրելով ժամանակակից սարքավորումները, անարատ կաթն ու պանրագործական ավանդույթները՝ այն ստեղծում է անփոփոխ բարձր որակով, նոր փաթեթավորմամբ և ավելի հասանելի գնով տեսականի իր սպառողների համար։
Համեղ բաղադրատոմսեր՝ Երեմյան կաթնամթերքից
Մոցարելլայով աղցան բազուկով և սոճընկույզով
Բաղադրիչներ՝
Բազուկ եփած կամ ջեռոցում պատրաստված - 2 հատ
Բազուկի ճավ - 1 փունջ
Մոցարելլա - 150-200 գրամ
Սոճընկույզ - 1-2 ճաշի գդալ, թեթև տապակած
Նարինջ կամ նարնջի սոուս - 1-2 ճաշի գդալ
Աղ, սև պղպեղ - ըստ ճաշակի
Պատրաստման եղանակ՝
Եփված բազուկը սառելուց և կեղևը մաքրելուց հետո՝ կտրատել բարակ
շերտերով կամ խորանարդաձև։ Ափսեի ﬔջ դասավորել բազուկի շերտերը և մոցարելլաները, լցնել նարնջի սոուսը, ապա ավելացնել բալզաﬕկ կրեմ։
Վերջում ավելացնել սոճընկույզը, հաﬔﬔլ աղով և պղպեղով։
Բուրրատայով ցիտրուսային աղցան
Բաղադրիչներ՝
Բուրրատա պանիր - 1 հատ
Միքս աղցան (ռուկոլա, բազուկի ճավ, դեկորատիվ հազար և այլն) - 1 փունջ
Նարինջ - 1 հատ
Մանգո (հասած, բարակ շերտերով) - 1/2 հատ
Ցիտրուսային սոուս (նարնջի հյութ, ձիթայուղ, ﬕ փոքր ﬔղր, աղ, պղպեղ) 1-2 ճաշի գդալ
Ձիթայուղ 1-2 ճաշի գդալ
Բալզաﬕկ սոուս (կրեմ) - ըստ ճաշակի
Պեստո սոուս 1-2 թեյի գդալ
Պատրաստման եղանակը՝
Միքս աղցանը լվանալ և չորացնել, դասավորել ափսեի ﬔջ։ Նարինջը մաքրել կեղևից և սպիտակ թաղանթից, այնուհետ կտրել օղակաձև կամ բաժանել շերտերի։ Մանգոն կտրատել բարակ շերտերով։ Ափսեի ﬔջ դասավորել աղցանի հիմքը, դնել բուրրատան, այնուհետև մանգոն, նարինջը։ Աղցանը ցողել ցիտրուսային սոուսով (կարելի է նախապես խառնել 2 ճ/գ նարնջի հյութ, 1 ճ/գ ձիթայուղ, ﬕ փոքր ﬔղր, աղ, սև պղպեղ)։ Առավել ընդգծված հաﬕ և բույրի համար ավելացնել պեստո սոուս։
