Հայաստանի ԱԻՆ–ը թարմացրել է երկրում ավտոճանապարհների մասին տեղեկությունը

ԵՐԵՎԱՆ, 19 հոկտեմբերի. /Նովոստի–Արմենիա/. Հայաստանի ժամանակով 19։00–ի դրությամբ դժվարանցանելի է Սոթք-Քարվաճառ ավտոճանապարհը:

Վայոց ձորի մարզի Ջերմուկ, Սարավան-Զանգեր ավտոճանապարհին և Վարդենյաց լեռնանցքում առկա են տեղումներ ձյան տեսքով:

Տիգրանաշենի ոլորաններում տեղ-տեղ առկա է մերկասառույց, իսկ Արագածոտնի մարզի մարզի Ապարան քաղաքում և Արագած գյուղում՝ մերկասառույց:

Վրաստանի ՆԳՆ ԱԻ դեպարտամենտի տեղեկություններով, Լարսի անցակետը բաց է մարդատար ավտոմեքենաների համար անվաշղթաների կիրառման դեպքում ժամը 06.00-ց մինչև 20.00, իսկ բեռնատարների համար անցակետը փակ է, իրականացվում են մաքրման աշխատանքներ: -0-