Գարունը թափ է հավաքում. Հայաստանի մարզերից մեկում մինչև 22 աստիճան տաքություն կգրանցվի

ԵՐԵՎԱՆ, 24 մարտի. /Նովոստի–Արմենիա/. Օդի ջերմաստիճանը Հայաստանում առաջիկա հինգ օրերին աստիճանաբար կբարձրանա 5-6 աստիճանով, հայտնում է Հայհիդրոմետկենտրոնը։

Ամենից տաք կլինի մարտի 27-28–ին Սյունիքի հովիտներում, որտեղ ցերեկային ժամերին օդը կտաքանա մինչև 19-22 աստիճան։ Տավուշի մարզում այդ օրերին սպասվում է 16-21 աստիճան տաքություն, իսկ Արարատի և Արմավիրի մարզերում, Արագածոտնի և Վայոց Ձորի նախալեռներում, ինչպես նաև Արցախում և Երևանում` 16-19 աստիճան տաքություն։

Մարտի 24-28–ը ողջ հանրապետությունում կանխատեսվում է առանց տեղումների եղանակ։

Քամին կլինի հարավ–արևմտյան` 3-8 մետր վայրկյան արագությամբ։ -0-