Եթե ասֆալտի մասով վերջում հարց ունեցանք, էլի գումար չենք տալու. Ավինյանը` Կիևյան կամրջի հիմնանորոգման աշխատանքների մասին
29.06.2026,
11:21
Կիևյան կամրջում ահռելի ծավալի գործ է արվում։ Բայց հանկարծ եթե ասֆալտի մասով վերջում հարց ունեցանք, էլի գումար չենք տալու, հայտարարել է Ավինյանը
ԵՐԵՎԱՆ, 29 հունիսի․/Նովոստի–Արմենիա/․ Երևանի քաղաքապետ Տիգրան Ավինյանը հայտարարել է, որ Կիևյան կամրջի վերանորոգման աշխատանքների ավարտին ասֆալտապատման որակի հետ կապված խնդիրներ առաջանալու դեպքում աշխատանքի գումարը չի վճարվելու։
«Կիևյան կամրջում ահռելի ծավալի գործ է արվում։ Բայց հանկարծ եթե ասֆալտի մասով վերջում հարց ունեցանք, էլի գումար չենք տալու», - ասաց Ավինյանը գործակարգավարական խորհրդակցության ժամանակ։
Նրա խոսքով` սա վերջին, բայց ամենակարևոր դետալն է։
«Այս կարգի խորքային աշխատանքից հետո պետք է իդեալական ասֆալտապաման աշխատանք», - նշեց քաղաքապետը։
Հիշեցնենք, որ հիմնանորոգման աշխատանքներով պայմանավորված՝ կամուրջը հունիսի 17-ից միչև օգոստոսի 29-ը երթևեկության համար փակ է:
Պատճենել հղումը
