Երևանի մետրոպոլիտենը զգուշացնում է․ 2025 թվականի օգոստոսի 1-ից շրջանառությունից դուրս կգան մեկանգամյա թղթային QR–ները

ԵՐԵՎԱՆ, 29 հուլիսի․/Նովոստի–Արմենիա/․ Երևանի մետրոպոլիտենը տեղեկացնում է, որ 2025 թվականի օգոստոսի 1-ից շրջանառությունից դուրս կգան մեկանգամյա օգտագործման թղթային QR կոդերը։

Հասարակական տրանսպորտի միասնական, ժամանակակից տոմսային համակարգը շարունակելու է գործել 3 նորարար վճարման տարբերակով.

• Տրանսպորտային քարտ,

• Անհպում բանկային քարտ (ՀՀ բոլոր բանկերից, բացի ՎՏԲ-ից),

• Բջջային հավելված:

Տրանսպորտային քարտը կարող եք ձեռք բերել՝

• Մետրոպոլիտենի կայարանների տերմինալներից կամ գանձապահներից,

• Telcell սպասարկման կետերից

• Հանրապետության և Ֆրանսիայի հրապարակների ինֆո կետերից:

• Քարտը ստանալուց հետո անհրաժեշտ է կցել նախընտրած տոմսային փաթեթը՝ transport.yerevan.am կայքում, Telcell տերմինալներով կամ Telcell սպասարկման կետերում: