Երեք թեկնածուներ են հավակնում Հայաստանի Վերահսկիչ պալատի ղեկավարի պաշտոնին

ԵՐԵՎԱՆ, 10 փետրվարի. /Նովոստի–Արմենիա/. Հայաստանի Վերահսկիչ պալատի ղեկավարի պաշտոնին հավակնում է միանգամից երեք թեկնածու, գրում է «Հայկական ժամանակ» թերթը։

Ինչպես նախօրեին խորհրդարանում հայտնեց ԱԺ փոխխոսնակ Հերմինե Նաղդալյանը, Հայաստանի Վերահսկիչ պալատի նախագահ Իշխան Զաքարյանը հրաժարականի դիմում է ներկայացրել ԱԺ խոսնակ Գալուստ Սահակյանին։ Եթե Զաքարյանը հետ չկանչի դիմումը 15 օրվա ընթացքում, ապա այն կընդունվի։

«Իսկ մինչ այդ մրցակցային պայքարը Վերահսկիչ պալատի ղեկավարի պաշտոնի համար արդեն սկսվել է։ Դեռևս մի քանի շաբաթ առաջ հայտնի էր, որ Իշխան Զաքարյանը կարող է հրաժարական տալ, քանի որ գլխավորելու է Ծառուկյան դաշինքի նախընտրական շտաբը»,– նշվում է գրառման մեջ։

Պարբերականը հայտնում է, որ ներկայում շրջանառվում են երեք հավանական թեկնածություններ։

«Նախ, այդ պաշտոնին ձգտում է ՀՅԴ-ն, որի թեկնածուն ՎՊ խորհրդի նախագահի տեղակալ Արա Նռանյանն է»,– ասվում է գրառման մեջ։


Հրապարակման հեղինակները փորձել են նախօրեին մեկնաբանություններ ստանալ ՀՅԴ խմբակցության ղեկավար Արմեն Ռուստամյանից, սակայն նա չցանկացավ նույնիսկ լսել հարցը։

«Թեկնածու են նաև ՎՊ պորհրդի անդամ Սեյրան Ավագյանն է ու այդ խորհրդի նախկին անդամ, Էներգետիկայի նախկին նախարար Լևոն Յոլյանը»,– գրում է թերթը։ -0-