Եղանակն անակնկալ է պատրաստել մայիսի 9–ին Հայաստանում և Արցախում

ԵՐԵՎԱՆ, 6 մայիսի. /Նովոստի–Արմենիա/. Կարճատև անձրևներ և ամպրոպներ են սպասվում Հայաստանի գրեթե բոլոր մարզերում և Արցախում մայիսի 6-10–ն օրվա երկրորդ կեսին և գիշերվա առաջին կեսին, առանձին վայրերում հնարավոր է կարկուտ, հայտնում է Հայհիդրոմետկենտրոնը։

Երևանում անձրևոտ եղանակ է սպասվում մայիսի 6—ին, 7–ին և 10–ին, իսկ մայիսի 8-9–ի երեկոյան ժամերին հնարավոր են ամպրոպներ։

Քամին կլինի հարավ–արևմտյան` 2-7 մետր/վայրկյան արագությամբ, ամպրոպի ժամանակ հնարավոր է քամու ուժգնացում մինչև 15-20 մետր/վայրկյան։

Օդի ջերմաստիճանը մայիսի 6–ին և 7–ին կնվազի 2-3 աստիճանով, իսկ այնուհետև էապես չի փոխվի։ Ուրբաթ մայրաքաղաքում ցերեկային ժամերին օդը կտաքանա մինչև 22-24 աստիճան, իսկ հաջորդ չորս օրերին օդի ջերմաստիճանը կկազմի 20-22 աստիճան տաքություն։ -0-