ԵՐԵՎԱՆ, 2 հունիսի. /Նովոստի-Արմենիա/. Գերմանիայի Բունդեսթագը Հայոց ցեղասպանության ճանաչման բանաձևն ընդունեց այն օրերին, երբ նշվում է բեռլինյան դատարանի կողմից հայ վրիժառուներից գլխավորի` Սողոմոն Թեհլերյանի արդարացման 95–րդ տարին։
Գերմանական խորհրդարանը հունիսի 2-ին ընդունել է Օսնմանյան կայսրությունում իրականացված Հայոց ցեղասպանության ճանաչման բանաձևը: Փաստաթուղթը կոչվում է «101 տարի առաջ Օսմանյան կայսրությունում Հայոց ցեղասպանության և քրիստոնյա այլ փոքրամասնությունների զոհերի հիշատակին»:
Հունիսի 2-ին Գերմանիայի Բունդեսթագն ընդունեց բանաձև, որի համաձայն 1915 թ.-ին Օսմանյան կայսրությունում հայերի սպանությունները ցեղասպանություն են ճանաչվում:
1921թ.-ի մարտի 15-ին հայ ուսանող Սողոմոն Թեհլերյանը բեռլինյան Շարլոթենբուրգ շրջանի Հարդենբերգ շթրասեում գնդակահարեց 1915թ.-ի հայերի ցեղասպանության գլխավոր կազմակերպիչներից մեկին` Օսմանյան կայսրության ներքին գործերի նախկին նախարար Թալեաթին: Հետագայում Թեհլերյանը նույն թվականի հունիսի 2-ին արդարացվեց բեռլինյան երդվյալ ատենակալների դատարանի կողմից:
Նախորդ հարյուրամյակի 20-ական թվականների սկզբին Հայ հեղափոխական դաշնակցությունը մշակել և իրականացրել է «Նեմեսիս» օպերացիան, որով նախատեսվում էր ոչնչացնել «Միասնություն և առաջընթաց» թուրքական կուսակցության ղեկավարներին` Հայոց ցեղասպանության մեղավորներին: Օպերացիայի անցկացման մասին որոշումն ընդունվել է 1919թ.-ի աշնանը Երևանում անցկացված ՀՅԴ-ի 9-րդ համագումարի ընթացքում:
Օպերացիայի ընթացքում ոչնչացվել են Թուրքիայի ներքին գործերի նախկին նախարար Թալեաթ փաշան, երիտթուրքերի առաջին կաբինետի նախկին ղեկավար Սայիդ Հալիմը, Տրապիզոնի նախկին մարզպետ Ջեմալ Ազմին, «Թեշքիլաթիի Մահսուսե» (Հատուկ կազմակերպություն) կազմակերպության հիմնադիր Բեհաէդդին Շաքիրը, Օսմանյան կայսրության ռազմածովային ուժերի նախկին նախարար Ջեմալը:
Նշվածներից բացի, Կարմիր բանակի հրամանատար Հակոբ Մելքումովը սպանեց 20-ականների սկզբին հակախորհրդային շարժման առաջնորդ, Թուրքիայի նախկին ռազմական նախարար Էնվերին:
Երիտթուրքերի առաջնորդներից բացի, հայ վրիժառուները ոչնչացրին Ադրբեջանի մուսավաթական կառավարության որոշ գործիչների, ովքեր մեղավոր էին 1918թ.-ի սեպտեմբերին Բաքվում կազմակերպված ջարդերի համար:
1920թ.-ի հունիսի 19-ին Արամ Երկանյանը Թիֆլիսում սպանեց Ադրբեջանի նախկին վարչապետ Ֆաթալի խան Հոյսկուն, իսկ 1921թ.-ի հուլիսի 19-ին Միսակ Թոռլակյանը Կոստանդնուպոլսում սպանեց Շուշիում հայերի ջարդերի կազմակերպիչ, Ադրբեջանի ներքին գործերի նախկին նախարար Բեհմուդ խան Ջիվանշիրին:-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում