ԱԺ-ում կշրջանառվի հունվարի 27-ը՝ որպես «Հիշատակի և խոնարհումի օր» սահմանելու նախագիծ
26.09.2025,
12:30
ԱԺ փոխնախագահ Ռուբեն Ռուբինյանն ասել է, որ պետք է ունենալ հատուկ օր, երբ կհարգենք ռազմական գործողությունների ընթացքում զոհվածների հիշատակը
ԵՐԵՎԱՆ, 26 սեպտեմբեր․/Նովոստի-Արմենիա/. ԱԺ փոխնախագահ Ռուբեն Ռուբինյանն հայտարարել է, որ պետք է ունենալ հատուկ օր, երբ կհարգենք ռազմական գործողությունների ընթացքում զոհվածների հիշատակը
«Տեղեկացնեմ, որ մոտ օրերս ես և ԱԺ պատգամավոր Գեղամ Նազարյանը կշրջանառենք նախագիծ, որով հունվարի 27-ը կսահմանվի որպես «Հիշատակի և խոնարհումի օր»,-գրել է նա Facebook-ի իր էջում։
Նա նշել է, որ պետք է ունենալ հատուկ օր, երբ կհարգենք բոլոր ժամանակների ռազմական գործողությունների ընթացքում զոհվածների հիշատակը և կխոնարհվենք հայրենիքի համար բոլոր ընկածների առաջ:
«Ըստ նախագծի` այդ օրը կլինի հունվարի 27-ը, իսկ հունվարի 28-ին արդեն, ինչպես միշտ, կնշենք և կտոնենք Բանակի օրը` որպես շարունակվող կյանքի ու կամքի խորհրդանիշ»,-գրել է Ռուբինյանը։
Պատճենել հղումը
