Արուսյակ Ջուլհակյանն ընտրվել է ԱԺ պետաիրավական հարցերի մշտական հանձնաժողովի նախագահ
06.05.2026,
12:58
«Քաղաքացիական պայմանագիր» խմբակցության պատգամավոր Արուսյակ Ջուլհակյանը փակ գաղտնի քվեարկության արդյունքներով ընտրվել է Պետական-իրավական հարցերի մշտական հանձնաժողովի նոր նախագահ
ԵՐԵՎԱՆ, 6 մայիսի․/Նովոստի–Արմենիա/․ Իշխող «Քաղաքացիական պայմանագիր» խմբակցության պատգամավոր Արուսյակ Ջուլհակյանը չորեքշաբթի Ազգային ժողովում տեղի ունեցած փակ գաղտնի քվեարկության արդյունքներով ընտրվել է Պետական-իրավական հարցերի մշտական հանձնաժողովի նոր նախագահ։
«Կողմ» է քվեարկել 65 պատգամավոր, 1-ը՝ «դեմ»։
Հանձնաժողովի նախկին նախագահ Վլադիմիր Վարդանյանի լիազորությունները դադարեցվել էին մարտի 26-ին։ Նա խորհրդարանում տեղի ունեցած գաղտնի քվեարկության արդյունքներով ընտրվել էր Սահմանադրական դատարանի դատավոր։
Պատճենել հղումը
