ԵՐԵՎԱՆ, 20 հուլիսի. /Նովոստի–Արմենիա/. Հայաստանը կխստացնի անօրինական աղբահանման տուգանքները, այդ թվում վարորդների նկատմամբ, հինգշաբթի լրագրողներն ասաց ՀՀ տարածքային կառավարման և զարգացման նախարար Դավիթ Լոքյանը։
Նրա խոսքով, «Մաքուր Հայաստան» ծրագրի շրջանակում մշակվել են օրենսդրական փոփոխություններ, որոնց համաձայն, նախատեսվում են բավականին խիստ վարչական տուգանքներ չնախասեցված վայրերում աղբի թափելու համար։
«Մենք առաջարկում ենք աղբն անօրինական թափելու տուգանքի նվազագույն չափը սահմանել 16 հազար դրամ, բայց խոշոր ձեռնարկությունների համար այն կհասնի 200-300 հազար դրամի։ Հույս ունենք, որ նման վարչական խստացումների միջոցով կկարողանանք հասնել որոշակի արդյունքների»,– ասաց Լոքյանը։
Загружается новость ... "Лево"
Ինչպես նշեց նախարարը, ցավոք, դեռ աղբը փողոց չնետելու մշակույթ մեզանում չի ձևավորվել։
«Չի կարելի դատարկ շշերը մեքենայի պատուհանից փողոց նետել, իսկ խանութում գնումներից հետո փաթեթները նետել ճանապարհի եզրին։ Մենք գրեթե ամեն շաբաթ հիմնական մայրուղիների ճամփեզրերի մաքրման աշխատանքներ ենք կատարում, այդ թվում, Ապարանի, Սևանի ուղղությամբ, սակայն աղբի կուտակումները չեն դադարում։ Սա խոսում է դաստիարակության տարրական չափանիշների բացակայության և շրջակա միջավայրի պահպանման մշակույթի ներդրման անհրաժեշտության մասին»։
Նախարարը նշեց նաև աղբամանների անբավարար լինելու խնդրի մասին, սակայն դա աղբը չնախատեսված վայրում նետելու պատճառ չէ։
Սակայն, նրա խոսքով, այս խնդիրներն էլ է նախատեսվում լուծել, մասնավորապես, հաջորդ տարի նախատեսվում է գնել մոտավորապես 10 հազար աղբաման, որոնք կտեղադրվեն զբոսաշրջային, պատմամշակութային, բնական և բաց տարածքներում։
ՀՀ կառավարությունը հինգշաբթի կայացած նիստում հավանություն է տվել «Մաքուր Հայաստան» ծրագրի միջոցառումների գործողություններին և ժամանակացույցին, որն ուղղված է Հայաստանն աղբից մաքրելուն, աղբի անօրինական կուտակումների և աղբանոցների ու աղբավայրերի թվի նվազեցմանը։ Ծրագրով նախատեսվում են` շաբաթօրյակների անցկացում, շրջակա միջավայրի պահպանության և մշակույթի մակարդակի բարձրացում, ինչպես նաև տուգանքների խստացման փոփոխություններ։
Ծրագրի շրջանակում նախատեսվում է հանրապետությունում նվազեցնել աղբավայրերի քանակը, 2300 աղբավայրերի թիվն այսօր արդեն հասել է 564–ի, մինչև տարեվերջ նախատեսվում է դրանց թիվը հասցնել 126-ի, ($1 – 478,54 դրամ)։-0-
