Ադրբեջանի երկրաշարժը զգացվել է Հայաստանում և Արցախում

ԵՐԵՎԱՆ, 12 հունվարի. /Նովոստի-Արմենիա/. Երեքշաբթի Ադրբեջանում գրանցված 5-6 բալ ուժգնության երկրաշարժը զգացվել է Հայաստանի և Արցախի տարածքում, ասվում է հանրապետության տարածքային կառավարման և արտակարգ իրավիճակների նախարարության կայքում:

4,8 մագնիտուդով երկրաշարժը գրանցվել է տեղական ժամանակով 06:39-ին Հայաստանի սեյսմիկ պաշտպանության ազգային ծառայության սեյսմոլոգիական ցանցի կողմից:

3-4 բալ ուժգնության ցնցումներ են զգացվել Ստեփանակերտ, Ասկերան, Հադրուտ, Շուշի և Բերձոր քաղաքներում, ինչպես նաև Սյունիքի մարզի Քաջարան և Կապան քաղաքներում: