Երևանում, հնարավոր է, սահմանվի 61–ամյա ջերմաստիճանային ռեկորդ

ԵՐԵՎԱՆ, 14 սեպտեմբերի./Նովոստի–Արմենիա/. Հայպետհիդրոմետը ներկայացնում է առաջիկա օրերի եղանակի կանխատեսումը։

Այսպես, սեպտեմբերի 14-ին, 17-18-ն առանձին շրջաններում կեսօրից հետո և գիշերը սպասվում է անձրև և ամպրոպ: Սեպտեմբերի 15-16-ը սպասվում է առանց տեղումների եղանակ:

Քամին՝ հարավ-արևմտյան՝ 5-10 մ/վ, ամպրոպի ժամանակ սպասվում է քամու ուժգնացում՝ 15-20 մ/վ արագությամբ:

Օդի ջերմաստիճանը 17-18-ն աստիճանաբար կնվազի 4-6 աստիճանով:

Մայրաքաղաք Երևանում սեպտեմբերի 14-18-ը սպասվում է առանց տեղումների եղանակ: Այսօր մայրաքաղաքում ցերեկային ժամերին կանխատեսվում է +31...+33։ Նշենք, որ այդ օրը ամենաբարձր ջերմաստիճանը գրանցվել է 1960թ.–ին` +32.2։–0–