Երևանի քաղաքապետարանը նախազգուշացնում է սխալ կայանման հետևանքով սպառնող տուգանքների մասին
02.04.2019,
12:46
Երևանի քաղաքապետարանը նախազգուշացնում է տուգանքների մասին սխալ կայանման հետևանքով:
ԵՐԵՎԱՆ, 2 ապրիլի./Նովոստի–Արմենիա/. Երևանի քաղաքապետարանի աշխատակիցները Ճանապարհային ոստիկանության ներկայացուցիչների հետ շաբաթ և կիրակի օրերին ստուգայցեր են կատարել Խաչիկ Դաշտենցի փողոցում գտնվող ավտոշուկայի հարակից տարածքում, հաղորդում է Երևանի քաղաքապետարանի մամուլի ծառայությունը։
Մայթերին և սիզամարգերին կայանած մեքենաների վարորդները զգուշացվել են, որ օրենքով արգելվում է նման կայանումը, որից հետո մեքենաները դուրս են բերվել:
Արդեն տարածքն Էրեբունի վարչական շրջանի ուժերով մաքրվել է: Կանաչապատ հատվածն էլ ամբողջությամբ կբարեկարգվի:
«Ստուգայցերը կլինեն շարունակական: Վարորդներին հորդորում ենք կայանումը կազմակերպել ճիշտ՝ վարչական պատասխանատվությունից խուսափելու համար», – նշվում է գերատեսչության տարածած հաղորդագրության մեջ:–0–
Պատճենել հղումը
