ԵՐԵՎԱՆ, 14 հունվարի./Նովոստի–Արմենիա/. ՀՀ նախկին ոստիկանապետ Վլադիմիր Գասպարյանը հարցաքննվել է Հատուկ քննչական ծառայությունում։ Այս մասին «Նովոստի–Արմենիա» գործակալությանը հայտնեց Գասպարյանի փաստաբան Տիգրան Աթանեսյանը։
Աթանեսյանը, սակայն, չմանրամասնեց, թե կոնկրետ որ քրեական գործի շրջանակում է հարցաքննվել Գասպարյանը։
«Նովոստի–Արմենիա» գործակալությունը կապվեց ՀՔԾ–ի հետ, սակայն գերատեսչությունից հրաժարվեցին մեկնաբանել այս տեղեկատվությունը։
Սեպտեմբերի 18–ին Գասպարյանին մեղադրանք է առաջադրվել իշխանությունը չարաշահելու համար, որն անզգուշությամբ հանգեցրել է ծանր հետևանքների։ Գասպարյանի նկատմամբ որպես խափանման միջոց ընտրվել է ստորագրություն չհեռանալու մասին։-0-