Փաշինյանը ներկայացրեց, թե ինչ պատճառաբանությամբ են ադրբեջանցիները փակել Կապան-Գորիս ճանապարհի մի հատվածը (ՎԻԴԵՈ)
ԵՐԵՎԱՆ, 26 օգոստոսի./Նովոստի–Արմենիա/. ՀՀ վարչապետ Նիկոլ Փաշինյանը ԱԺ–ում մեկնաբանեց Կապան-Գորիս ճանապարհի մի հատվածի փակման հետ կապված միջադեպը:
Հայաստանի ազգային անվտանգության ծառայությունը հինգշաբթի հաղորդեց, որ օգոստոսի 25-ին, ժամը 23: 00-ի սահմաններում, ադրբեջանական կողմը փակել է Կապան-Գորիս միջպետական ճանապարհի Կարմրաքար-Շուռնուխ հատվածը:
Փաշինյանը բացատրեց, որ այն տարածքներում, որոնք, ըստ Խորհրդային Միության քարտեզների, գտնվում էին Խորհրդային Հայաստանի տարածքից դուրս, ադրբեջանցիները փակել էին ճանապարհը ՝ պատճառաբանելով, որ երեկ երեկոյան հայկական կողմից մարդիկ հարձակվել են ադրբեջանցի սահմանապահների վրա:
Հիշեցնենք, որ նախօրեին ՀՀ ՊՆ–ն հերքել էր Ադրբեջանի տարածած ապատեղեկատվությունն այն մասին, թե իբր երկու հայ զինծառայող հայ-ադրբեջանական սահմանի հարավ-արևելյան հստվածում հարձակվել են ադրբեջանցի զինծառայողի վրա և սվինով վնասվածքներ հասցրել նրան։
Վարչապետն ասաց, որ Սյունիքը կտրված չէ Հայաստանից և անկախ իրավիճակից, կառավարության աշխատանքն ուղղված է տրանսպորտային հաղորդակցության կարգավորմանը և երաշխավորմանը:
«Ռազմավարական առումով այս հարցը կլուծվի, բայց ոչ ամբողջությամբ, Հյուսիս-հարավ ճանապարհի կառուցմամբ: Աշխատանքներ են սկսվել նաև Շուռնուխ և Որոտան համայնքների ճանապարհների բարելավման ուղղությամբ, որոնք կարագացվեն»,-ասաց Նիկոլ Փաշինյանը:–0–
