Մոր կողմից Դեբեդ գետը նետված 2–ամյա Արևը դուրս գրվեց ԲԿ-ից և տեղափոխվեց ՀՕՖ խնամքի կենտրոն

ԵՐԵՎԱՆ, 3 հունիսի./Նովոստի-Արմենիա/. Դեբետ գետից դուրս բերված Արևը դուրս գրվեց «Սուրբ Աստվածամայր» ԲԿ-ից:


Այս մասին հայտնում է ԲԿ-ի մամուլի քարտուղար Գևորգ Դերձյանը:

«Երեխան տեղափոխվեց ՀՕՖ խնամքի կենտրոն: Մեկ ամսից ավելի է մեր բժիշկները ոչ միայն բուժեցին նրան, այլև տվեցին ծնողական խնամք և ջերմություն», - նշում են ԲԿ-ից:

Հիշեցնենք, որ Ալավերդիում 30–ամյա մայրը փորձել էր սպանել 2–ամյա դստերը` նետելով Դեբեդ գետը։ Երեխային հայտնաբերել էր որոնողա-փրկարարական աշխատանքներին մասնակցող ալավերդցի երիտասարդը դեպքի վայրից մոտ 1 կմ հեռավորության վրա՝ գետի ձախ ափին, անգիտակից վիճակում։ 30–ամյա մայրը ձերբակալվել է։-0-