Մեղրիի բնակիչները դիմավորեցին Փաշինյանին սուլոցներով և վիրավորանքներով (ՎԻԴԵՈ)
12:20
21 Ապրիլի 2021
ԵՐԵՎԱՆ, 21 ապրիլի./Նովոստի–Արմենիա/. Մեղրիի բնակիչները ՀՀ վարչապետ Նիկոլ Փաշինյանին դիմավորեցին սուլոցներով և վիրավորական խոսքերով։
Փաշինյանը նախօրեին մեկնել է Սյունիք` այցելելով մի քանի գյուղ։ Նախօրեին ուշ երեկոյան նա եղել է Կապանում, որտեղ գիշերել է։ Այսօր առավոտյան այցելել է Մեղրի։
Հիշեցնենք, որ նախօրեին Ադրբեջանի նախագահ Իլհամ Ալիևը հայտարարել է, որ Բաքուն «կկատարի Զանգեզուրի միջանցքի իրականացման խնդիրը` անկախ նրանից ուզում է Հայաստանը, թե ոչ» (նախատեսվում է, որ Զանգեզուրի միջանցքն անցնելու է Երևան–Մեղրի մայրուղով` փաստացի «կտրելով» Սյունիքը Հայաստանի մյուս տարածքից, խմբգր.)։ Միաժամանակ Ալիևը սպառնացել է հարցը լուծել ուժով, այդ թվում` հայտարարելով, որ «կվերադարձնի Սյունիքը 101 տարի անց»։
Փաշինյանին Մեղրիում դիմավորեցին սուլոցներով և վիրավորական արտահայտություններով։ Բնակիչները բղավում էին «Նիկոլ դավաճան», «Թուրք Նիկոլ», «Կապիտուլյանտ» և այլն։
«Դավաճան, դու վաճառեցիր Արցախը, իսկ հիմա եկել ես վաճառելու Սյունիքը», «Սյունիքը մեր հողն է», «Սյունիքը մեր հայրենիքն է, մենք այն չենք տա» արտահայտությունների ներքո Փաշինյանը, թիկնապահներով շրջապատված, անցավ ամբոխի միջով։
Նա սուլոցների ներքո դիմեց ներկաներին։
«Մենք մեղավոր ենք, դուք ճիշտ եք, բոլորիցդ ներողություն եմ խնդրում սրա և սրանց համար», – ասաց նա։
Մեղրիի բնակիչները փորձեցին թույլ չտալ Փաշինյանին մտնել քաղաքի կենտրոնական հրապարակ, քանի որ կարծում են, որ ճանապարհը, որի մասին խոսում է Ալիևը, կանցնի հենց Մեղրիի միջով և փորձում են խոչընդոտել դրան։
Ցուցարարների կարծիքով, Փաշինյանը եկել է Սյունիք, որպեսզի տեղում տեսնի տարածքներն ու որոշում կայացնի կամ միջանցքի ստեղծման կամ Սյունիքը հանձնելու մասին (Ադրբեջանին, խմբգր.)։
Դեկտեմբերին սյունեցիները թույլ չտվեցին Փաշինյանին մտնել մարզ` փակելով մայրուղին։ Այդ ժամանակ Փաշինյանն այցելեց միայն Սիսիան։–0–
ABBYY–ի հիմնադիր և տնօրենների խորհրդի անդամ, ՏՏ ոլորտի փորձագետ Դավիթ Յանը կարծում է, որ Հայաստանն ունի բազմաթիվ հնարավորություններ դառնալու արհեստական բանականության հսկայական հեղափոխության մի մասը
Ներքին հարցերի վրա կենտրոնացող քաղաքականությունը, որն իրականացվում է Հայաստանում, գրավում է ներդրողներին, հայտարարեց Freedom Holding Corp.-ի հիմնադիր ու ղեկավար Թիմուր Տուրլովը