ԵՐԵՎԱՆ, 29 օգոստոսի./Նովոստի–Արմենիա/. Այսօր առավոտյան Հերացի թիվ 1 համալսարանական հիվանդանոցում մահացել է օգոստոսի 26–ին Երևանի Ռայնիսի փողոցում նախնական տվյալներով գազի պայթյունից շենքի փլուզման հետևանքով վիրավորված տղամարդը։
Այս տեղեկատվությունը «Նովոստի–Արմենիա» գործակալությանը հաստատեց հիվանդանոցի հերթապահ բժիշկ Հենրիկ Պողոսյանը։
«Վիրավոր տղամարդը մահացել է այսօր 10։30–ի սահմաններում», – նշեց նա։
Загружается новость ... "Лево"
Ավելի վաղ հայտնի էր դարձել, որ պայթյունի հետևանքով տղամարդը ստացել էր մարմնի տարբեր մասերի տարածուն այրվածքներ, միացված էր արհեստական շնչառության սարքին։
Նախնական տվյալներով գազի արտահոսքից պայթյուն է տեղի ունեցել Երևանի Ռայնիսի փողոցի թիվ 1 քառահարկ պանելային շենքում։
Օգոստոսի 26–ին ժամը 07։15–ի սահմաններում նախնական տվյալներով գազի արտահոսքից պայթյուն է տեղի ունեցել Երևանի Ռայնիսի փողոցի թիվ 1 քառահարկ պանելային շենքում։
19 մարդ տարհանվել է, երկու տուժած հոսպիտալացվել է «Հերացի» թիվ 1 հիվանդանոցային համալիր։ Ավելի ուշ փրկարարները փլատակներից տակից դուրս են բերել տղամարդու դի, ով, նախնական տվյալներով, 1962թ.–ին ծնված Արթուր Ղ.–ն է։–0–