Բացառիկ կադրեր. Երևանում փլված շենքի տակից դուրս բերվեց 56–ամյա տղամարդու դին (ՎԻԴԵՈ)

ԵՐԵՎԱՆ, 26 օգոստոսի./Նովոստի–Արմենիա/. Այսօր առավոտյան նախնական տվյալներով գազի արտահոսքից պայթյուն է տեղի ունեցել Երևանի Ռայնիսի փողոցի թիվ 1 քառահարկ պանելային շենքում։


19 մարդ տարհանվել է, երկու տուժած հոսպիտալացվել է «Հերացի» թիվ 1 հիվանդանոցային համալիր․ տուժած Սվետլանա Ս․-ն (ծնված 1949 թ․) այժմ գտնվում է հետազոտման փուլում, բժիշկները նրա առողջական վիճակը գնահատում են միջին ծանրության։ Մյուս տուժածը, ով մոտ 50 տարեկան տղամարդ է, ծայրահեղ ծանր է, ունի մարմնի ամբողջ մակերեսի այրվածքներ։

Ավելի ուշ փրկարարները փլատակներից տակից դուրս են բերել տղամարդու դի, ով, նախնական տվյալներով, 1962թ.–ին ծնված Արթուր Ղ.–ն է։–0–