Տեղացած առատ ձյան պատճառով ոստիկանության կողմից վարորդների նկատմամբ վարչական տույժեր չեն կիրառվելու

ԵՐԵՎԱՆ, 7 հունվարի./Նովոստի–Արմենիա/. Տեղացած առատ ձյան պատճառով ոստիկանությունը վարչական տույժեր չի կիրառի վարորդների նկատմամբ դեկտեմբերի 31–ից հունվարի 6–ն ընկած ժամանակահատվածում Երևանում գրանցված իրավախախտումների վերաբերյալ, հաղորդում է գերատեսչության մամուլի ծառայությունը։

«Հաշվի առնելով, որ տեղացած առատ ձյան պատճառով Երևան քաղաքի խաչմերուկներում իրավախախտումների մեծ մասն ուղղակիորեն կատարվել են այլընտրանք չունենալու պայմաններում, 2015 թվականի դեկտեմբերի 31-ից մինչև 2016 թվականի հունվարի 6-ը ներառյալ կատարված և Երևան քաղաքի խաչմերուկներում տեղադրված տեսախցիկներով հայտնաբերված իրավախախտումերի վերաբերյալ գործերով վարույթներ չեն իրականացվելու և վարչական տույժեր չեն կիրառվելու», – նշվում է հաղորդագրության մեջ։–0–