Ժամանակավորապես կսահմանափակվի Տիգրան Մեծի պողոտայի որոշակի հատվածի երթևեկությունը

ԵՐԵՎԱՆ, 12 հունվարի. /Նովոստի–Արմենիա/. Երևանի Տիգրան Մեծի պողոտայի որոշակի հատվածի երթևեկությունը ժամանակավորապես կսահմանափակվի։

Երևանի քաղաքապետարանի մամուլի ծառայության հաղորդմամբ, ինժեներական ենթակառուցվածքների փոփոխման աշխատանքներով պայմանավորված, հունվարի 12-ին ժամը 20:00-ից մինչև հունվարի 20-ը մայրաքաղաքի Տիգրան Մեծի պողոտայի «Ռոսիա մոլ» առևտրի կենտրոնի հարևանությամբ առաջին երթևեկելի գոտում ժամանակավորապես կսահմանափակվի տրանսպորտային միջոցների երթևեկությունը:

«Պատճառվող ժամանակավոր անհարմարությունների համար հայցում ենք ձեր ներողամտությունը», – նշվում է հաղորդագրության մեջ։–0–