Հայ զինվորը դարձել է բջջային հեռախոսների համար նախատեսված Hi Zinvor խաղի կերպար

ԵՐԵՎԱՆ, 28 փետրվարի. /Նովոստի–Արմենիա/. AppStore–ում հայտնվել է Hi Zinvor հայկական խաղը։

Hi Zinvor–ում հանդես է գալիս հայ զինվորի կերպար։ Խաղի ժամանակ խաղացողը կատարում է տարբեր առաջադրանքներ, հաղորդում է telecom.arka.am–ը։

«Խաղի ստեղծմամբ զբաղվել եմ 3 ամիս առաջ, և փետրվարի 8–ին խաղն արդեն հայտնվել է AppStore–ում», – «ԱՌԿԱ» գործակալությանը տեղեկացրել է խաղի մշակող Կարեն Սողոյանը։

Նա նաև նշեց, որ խաղն արդեն ներբեռնվել է 8 հազար անգամ։ 

Խաղը մեկնաբանել է նաև ՀՀ ՊՆ մամուլի քարտուղար Արծրուն Հովհաննիսյանը։ 

«Կար ժամանակ, երբ ես երազում էի, որ նման խաղեր լինեն ու իմ որդին սա խաղա և ոչ թե ամերիկյան կամ ռուսական զինվորի կերպարով հաղթի բոլոր թշնամիներին: Ապրե'ք տղաներ, հայացումը այս ոլորտներում չափազանց կարևոր է հիմա», – գրել է նա Facebook–յան իր էջում։–0–