Ահազանգ. կրկին սպիտակագլուխ անգղ են որսացել (ՖՈՏՈ)
![Ահազանգ. կրկին սպիտակագլուխ անգղ են որսացել (ՖՈՏՈ) Ահազանգ. կրկին սպիտակագլուխ անգղ են որսացել (ՖՈՏՈ)](/upload/iblock/e18/kko5jiwbawpa0k41uwvlzrxhgd9xgvei.jpg)
ԵՐԵՎԱՆ, 20 հոկտեմբերի. /Նովոստի–Արմենիա/. Համացանցում հայտնաբերվել է ապօրինի որսի հերթական դեպքը, հաղորդում է EcoNews.am բնապահպանական տեղեկատվական կայքը։
Այս անգամ ևս խոսքը գնում է Կարմիր գրքում գրանցված սպիտակագլուխ անգղի որսի մասին:
Նշենք, որ սպիտակագլուխ անգղը վտանգված տեսակ է։ Այն գրանցված է նախկին ԽՍՀՄ և Ռուսաստանի Կարմիր գրքերում: Տեսակն ընդգրկված է ԲՊՄՄ Կարմիր ցուցակում (ver. 3.1) «Least Concern» կարգավիճակով: ԲՊՄՄ Կարմիր ցուցակի չափորոշիչներով գնահատվում է որպես «Խոցելի»` VU D1: Այս տեսակն ընդգրկված է նաև Հայաստանի Կարմիր գրքում:
Լուսանկարը` econews.am–ի
Կայքի հաղորդմամբ, սպանված անգղի նշված լուսանկարը համացանց է բեռնվել 2014թ.-ին, իսկ նկարագրության մեջ գրված է տեղանքի անունը՝ «Բախչալար»:
«Բախչալարը ներկայիս Բագարան համայնքի պատմական անվանումն է, որը գտնվում է Արմավիր մարզում, մարզկենտրոնից 39 կմ հարավ-արևմուտք, Ախուրյանի գետաբերանի մոտ», – նշվում է հաղորդագրության մեջ։
Թռչնաբան Լյուբա Բալյանի խոսքով, այդ տարածաշրջանում կան անգղերի գաղութներ:
«Բագարան և Երվանդաշատ համայնքներում շատ են նման դեպքեր գրանցվում», – նշել է նա։–0–