Երևանը Բաքվին է հանձնել ադրբեջանցի դիվերսանտի մարմինը

ԵՐԵՎԱՆ, 5 փետրվարի. /Նովոստի–Արմենիա/. 2017թ. փետրվարի 5-ին հայ-ադրբեջանական սահմանագոտու Իջևան-Ղազախ հատվածում ԿԽՄԿ-ի միջնորդությամբ կազմակերպված հանդիպման ժամանակ Ադրբեջանի զինված ուժերի ներկայացուցիչներին է հանձնվել ԱՀ զինված ուժերի զինծառայող Չինգիզ Սալմանի Գուրբանովի դին, հաղորդում է ՀՀ ՊՆ մամուլի ծառայությունը։

Հաղորդագրության մեջ նշվում է, որ 2016թ. դեկտեմբերի 29-ին Ադրբեջանի Հանրապետության զինված ուժերի կողմից իրականացված դիվերսիոն հետախուզական ներթափանցման գործողությունների հիման վրա ՀՀ կառավարությանն առընթեր ԱԱԾ քննչական վարչությունում քննվող ագրեսիվ պատերազմ վարելու և սպանության` զուգորդված ազգային շարժառիթով կատարված դեպքերի առիթով հարուցված քրեական գործի շրջանակում նշանակված դիակի դատաբժշկական փորձաքննության ընթացքում այլևս վերացել է Ադրբեջանի Հանրապետության զինված ուժերի զինծառայող, 1994թ-ի ծնված Չինգիզ Սալմանի Գուրբանովի դիակը պահելու անհրաժեշտությունը:

2016 թ.–ի դեկտեմբերի 29–ի վաղ առավոտյան ադրբեջանական զինված ուժերը ձեռնարկել էին դիվերսիոն ներթափանցման փորձ ՀՀ Տավուշի մարզի Չինարի գյուղի մոտակայքում։ Ներթափանցման փորձը կասեցնելու ժամանակ զոհվել է երեք հայ զինծառայող։ Ադրբեջանական ԶՈւ–ի կորուստները, այդ թվում հայկական կողմի կազմակերպած պատժիչ գործողությունների հետևանքով կազմել են շուրջ 12 մարդ։–0–