Պյատախինը պատասխանել է Beeline–ի հաճախորդների սպասարկման կենտրոնի գործունեության հումորային քննադատությանը
11.08.2016,
15:35
Beeline–ի գլխավոր տնօրեն Անդրեյ Պյատախինը պատասխանել է «ԱրմենՏել» ՓԲԸ–ի հաճախորդների սպասարկման կենտրոնի հումորային քննադատությանը:
ԵՐԵՎԱՆ, 11 օգոստոսի. /ԱՌԿԱ/. Beeline–ի գլխավոր տնօրեն Անդրեյ Պյատախինը պատասխանել է «ԱրմենՏել» ՓԲԸ–ի (ապրանքանիշը` Beeline) հաճախորդների սպասարկման կենտրոնի հումորային քննադատությանը, որը հրապարակվել էր համացանցում տեսահոլովակի տեսքով։
Ընկերության բաժանորդներից մեկը, ով սոցցանցերում հանդես է գալիս Karl Avetyan մականունով, օգոստոսի 9–ին Youtube–ում հրապարակել է տեսահոլովակ, որտեղ նա փորձում է զանգել Beeline–ի հաճախորդների սպասարկման կենտրոն։ Սակայն նրան անընդհատ միանում է ինքնապատասխանիչն` առաջարկելով սպասել և միացնում է երաժշտություն։ Այնուհետև, երբ 20 րոպե անց օպերատորը վերջապես միանում է, օգտատերը նրա համար միացնում է Առնո Բաբաջանյանի «Նոկտյուրն» ստեղծագործությունը և ասում. «Սպասեք մինչ միանաք հաճախորդին»։
Նախօրեին ընկերության գլխավոր տնօրենը Youtube–ում հրապարակում է պատասխան տեսանյութը, որտեղ անձամբ զանգահարում է հումորասեր բաժանորդին և հայտնում որ կարող է սպասել և այդ ընթացքում լսել Բաբաջանյանի «Նոկտյուրնը»։
Ներողություն խնդրելով բաժանորդից` Պյատախինը նշում է, որ վերջին մի քանի օրերի ընթացքում տեխնիկական պատճառներով, որոնք հիմնականում կապված են Hi-Line–ի հաճախորդներին նոր հարթակ տեղափոխելու հետ, որոշ բաժանորդների մոտ առաջացել են խնդիրներ` կապված ինտերնետի հետ, ինչի հետևանքով ավելացել է հաճախորդների սպասարկման կենտրոն ստացվող զանգերի թիվը։ Զանգերի թվի ավելացման հետ կապված իրավիճակն ավելի շատ է բարդացել յուրաքանչյուր ամսվա սկզբում հաշիվների հրապարակման պատճառով։
Facebook սոցիալական ցանցի իր էջում Պյատախինը նշել է, որ բաժանորդներից մեկը հումորային տեսահոլովակ է նկարահանել, որտեղ խնդրել է օպերատորին սպասել բաժանորդի պատասխանին:
«Մենք Beeline-ում գնահատել ենք այս ոչ ստանդարտ մոտեցումը և արձագանքել համապատասխան ձևով: Տեսանյութում ես զանգահարել եմ տեսահոլովակի հեղինակին, բացատրել օպերատորի պատասխանին սպասելու ժամանակահատվածի երկարացման պատճառը և այժմ կատարում եմ այս գրառումը` հուսալով, որ իմ ընկերները, Facebook-յան էջին հետևողները և Beeline-ի շատ բաժանորդներ կկարողանան տեսնել այն` գիտակցելով, որ դիմելով տեսահոլովակի հեղինակին, ես դիմում եմ նաև մեր բոլոր բաժանորդներին», - գրել է գլխավոր տնօրենը:
Ընկերության անունից նա ներողություն է խնդրել բաժանորդներից, որոնց անհանգստություն են պատճառել վերջին օրերին ինտերնետի հետ կապված խնդիրները և հաճախորդների սպասարկման կենտրոնի հետ կապվելը և հավաստիացրել է, որ «այս բոլոր խնդիրներն առաջացել են, քանի որ ընկերությունը փորձում է բարելավել իր ծառայությունների որակը, որպեսզի արդյունքում բաժանորդներին ավելի հեշտ և հարմար լինի դրանցից օգտվելը և վճարումներ կատարելը»:
«Մենք լի ենք գործն ավարտին հասցնելու վճռականությամբ և միշտ ուրախությամբ պատրաստ ենք լսել բաժանորդների կառուցողական քննադատությունն ու ցանկությունները` կապված մեր ծառայությունների բարելավման հետ:
Հ.Գ. Հիշեցնեմ, որ բացի հաճախորդների սպասարկման կենտրոնից, Beeline-ի օպերատորները աշխատում են նաև Facebook-ում և մեր կայքի «առցանց խորհրդատու» բաժնում, որտեղ ևս հնարավոր է ստանալ սպառիչ պատասխան և անել դա շատ ավելի արագ», - ասել է Պյատախինը:
«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ։ –0–
Ընկերության բաժանորդներից մեկը, ով սոցցանցերում հանդես է գալիս Karl Avetyan մականունով, օգոստոսի 9–ին Youtube–ում հրապարակել է տեսահոլովակ, որտեղ նա փորձում է զանգել Beeline–ի հաճախորդների սպասարկման կենտրոն։ Սակայն նրան անընդհատ միանում է ինքնապատասխանիչն` առաջարկելով սպասել և միացնում է երաժշտություն։ Այնուհետև, երբ 20 րոպե անց օպերատորը վերջապես միանում է, օգտատերը նրա համար միացնում է Առնո Բաբաջանյանի «Նոկտյուրն» ստեղծագործությունը և ասում. «Սպասեք մինչ միանաք հաճախորդին»։
Նախօրեին ընկերության գլխավոր տնօրենը Youtube–ում հրապարակում է պատասխան տեսանյութը, որտեղ անձամբ զանգահարում է հումորասեր բաժանորդին և հայտնում որ կարող է սպասել և այդ ընթացքում լսել Բաբաջանյանի «Նոկտյուրնը»։
Ներողություն խնդրելով բաժանորդից` Պյատախինը նշում է, որ վերջին մի քանի օրերի ընթացքում տեխնիկական պատճառներով, որոնք հիմնականում կապված են Hi-Line–ի հաճախորդներին նոր հարթակ տեղափոխելու հետ, որոշ բաժանորդների մոտ առաջացել են խնդիրներ` կապված ինտերնետի հետ, ինչի հետևանքով ավելացել է հաճախորդների սպասարկման կենտրոն ստացվող զանգերի թիվը։ Զանգերի թվի ավելացման հետ կապված իրավիճակն ավելի շատ է բարդացել յուրաքանչյուր ամսվա սկզբում հաշիվների հրապարակման պատճառով։
Facebook սոցիալական ցանցի իր էջում Պյատախինը նշել է, որ բաժանորդներից մեկը հումորային տեսահոլովակ է նկարահանել, որտեղ խնդրել է օպերատորին սպասել բաժանորդի պատասխանին:
«Մենք Beeline-ում գնահատել ենք այս ոչ ստանդարտ մոտեցումը և արձագանքել համապատասխան ձևով: Տեսանյութում ես զանգահարել եմ տեսահոլովակի հեղինակին, բացատրել օպերատորի պատասխանին սպասելու ժամանակահատվածի երկարացման պատճառը և այժմ կատարում եմ այս գրառումը` հուսալով, որ իմ ընկերները, Facebook-յան էջին հետևողները և Beeline-ի շատ բաժանորդներ կկարողանան տեսնել այն` գիտակցելով, որ դիմելով տեսահոլովակի հեղինակին, ես դիմում եմ նաև մեր բոլոր բաժանորդներին», - գրել է գլխավոր տնօրենը:
Ընկերության անունից նա ներողություն է խնդրել բաժանորդներից, որոնց անհանգստություն են պատճառել վերջին օրերին ինտերնետի հետ կապված խնդիրները և հաճախորդների սպասարկման կենտրոնի հետ կապվելը և հավաստիացրել է, որ «այս բոլոր խնդիրներն առաջացել են, քանի որ ընկերությունը փորձում է բարելավել իր ծառայությունների որակը, որպեսզի արդյունքում բաժանորդներին ավելի հեշտ և հարմար լինի դրանցից օգտվելը և վճարումներ կատարելը»:
«Մենք լի ենք գործն ավարտին հասցնելու վճռականությամբ և միշտ ուրախությամբ պատրաստ ենք լսել բաժանորդների կառուցողական քննադատությունն ու ցանկությունները` կապված մեր ծառայությունների բարելավման հետ:
Հ.Գ. Հիշեցնեմ, որ բացի հաճախորդների սպասարկման կենտրոնից, Beeline-ի օպերատորները աշխատում են նաև Facebook-ում և մեր կայքի «առցանց խորհրդատու» բաժնում, որտեղ ևս հնարավոր է ստանալ սպառիչ պատասխան և անել դա շատ ավելի արագ», - ասել է Պյատախինը:
«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ։ –0–
Պատճենել հղումը
