Պերմյակովի դատը տեղափոխվել է հունվարի 29-ին

ԵՐԵՎԱՆ, 22 հունվարի. /Նովոստի–Արմենիա/. Գյումրում Ավետիսյանների ընտանիքի սպանության մեջ մեղադրվող ռուս զինծառայող Վալերի Պերմյակովի դատական նիստը տեղափոխվել է հունվարի 29-ին:

Ուրբաթ, դատարանն անցավ վկաների և տուժածների իրավահաջորդների հարցաքննությանը, սակայն որոշ ժամանակ անց Ավետիսյաննների ընտանիքի հարազատները բուժօգնության կարիք ունեցան, նրանք  ի վիճակի չէին մասնակցել դատական նիստին:

Հաշվի առնելով այդ հանգամանքը դատարանը նիստը հետաձգեց մեկ շաբաթով:
Գյումրիում 2015 թվականի հունվարի 12–ին սպանվել է յոթ մարդուց բաղկացած ընտանիք, այդ թվում` երկու մանկահասակ երեխաներ։ Հանցագործության կատարման մեջ մեղադրվում է Գյումրու 102–րդ ռուսական ռազմակայանի զինծառայող Վալերի Պերմյակովը, ով հունվարի 13–ին ձերբակալվել է ռուս սահմանապահների կողմից հայ–թուրքական սահմանը հատելու փորձի ժամանակ, և հարցաքննությանը նա խոստովանել իր մեղքը։ 

Վալերի Պերմյակովն իրեն առաջադրված առաջին մեղադրանքով 2015 թվականի օգոստոսի 12–ին արդեն դատապարտվել է 10 տարվա ազատազրկման խիստ ռեժիմի գաղութում Հինգերորդ ռուսական կայազորային զինվորական դատարանի որոշմամբ։ Պերմյակովը մեղավոր է ճանաչվել ծառայությամբ նրան վստահված զենքի առկայությամբ դասալքության, հրազենի հափշտակման և անօրինական կրման համար։ «Սպանություն» հոդվածով գործն առանձնացվել է առանձին վարույթում և փոխանցվել հայկական կողմին։ -0-