Իսպանիայի Սուեկա քաղաքը ճանաչեց Հայոց ցեղասպանությունը

ԵՐԵՎԱՆ, 5 հունիսի. /Նովոստի–Արմենիա/. Իսպանիայի Սուեկա քաղաքը ճանաչեց 1915 թ.–ին Օսմանյան կայսրությունում տեղի ունեցած Հայոց ցեղասպանությունը։ Այս մասին նշվում է Իսպանիայում ՀՀ դեսպանատան Facebook–յան պաշտոնական էջում։


«Իսպանական Սուեկա քաղաքը միացավ Հայոց ցեղասպանությունը պաշտոնապես ճանաչած և դատապարտած ԻԹ քաղաքների շարքին», – նշվում է դեսպանատան հաղորդագրության մեջ։

Հայոց ցեղասպանության փաստը ճանաչել են բազմաթիվ երկրներ, մասնավորապես` Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի, Լյուքսեմբուրգի, Չեխիայի խորհրդարանները, Կանադայի խորհրդարանի համայնքների պալատը և Լեհաստանի սեյմը, Պարագվայի Սենատը,Վատիկանը, Եվրախորհդարանը, Եկեղեցիների համաշխարհային խորհուրդը, Գերմանիայի Բունդեսթագը: -0-