Հայաստանի ողջ պետական համակարգի կյանքը «կանգնել» է

ԵՐԵՎԱՆ, 16 սեպտեմբերի. /Նովոստի-Արմենիա/. Հայաստանի ողջ պետական համակարգի կյանքը «կանգնել» է, գրում է «Ժողովուրդ» օրաթերթը:

Պարբերականը նշում է, որ քանի որ Հայաստանի պետական գերատեսչությունների և հատկապես նախարարությունների գործունեության մասին հանրությունը տեղեկանում է այդ մարմինների լրատվական բաժինների մատուցած հաղորդագրություններից, ապա նորությունների բացակայությունը նշանակում է, որ այդ գերատեսչությունում պարզապես «օր են գլորում»:

«Հատկապես սեպտեմբերի 8-ից հետո, երբ կառավարության բոլոր անդամները դարձան պաշտոնակատարներ, պարզվեց, որ նախարարությունների մի զգալի մասի մոտ կյանքը «կանգնել» է, և նրանք ուղղակի օր են մաշեցնում», – նշվում է հաղորդագրության մեջ։ -0-