ՀՀ վարչապետը մի շարք կարևոր նշանակումներ է կատարել
ԵՐԵՎԱՆ, 22 հունիսի./Նովոստի–Արմենիա/. ՀՀ վարչապետ Նիկոլ Փաշինյանը մի շարք կարևոր նշանակումներ է կատարել։
Մասնավորապես, Նիկոլ Փաշինյանը հրամանագիր է ստորագրել Սննդի անվտանգության պետական ծառայության պետի պաշտոնում Գեորգի Ավետիսյանին նշանակելու մասին։
Այսեր Ղազարյանը նշանակվել է բնապահպանության նախարարի տեղակալ, Տիգրան Ղարիբյանը ժամանակավորապես նշանակվել է Շիրակի մարզպետարանի աշխատակազմի ղեկավարի փոխարինող, Արթուր Գրիգորյանը` Բնապահպանության և ընդերքի տեսչական մարմնի ղեկավար, Նարեկ Գրիգորյանը` Գեղարքունիքի մարզպետի տեղակալ։
Անդրեյ Ղուկասյանը նշանակվել է Լոռու մարզպետի տեղակալ, Արա Գաբրիելյանը` ՊԵԿ նախագահի տեղակալ, իսկ Լիանա Ղալթաղչյանը` ՀՀ վարչապետի աշխատակազմի ղեկավարի տեղակալ։
Փաշինյանը նաև հրամանագիր է ստորագրել Խաչատուր Վարագյանին Շիրակի մարզպետի տեղակալի պաշտոնակատարի, իսկ Արտաշես Նիկոյանին` Գեղարքունիքի մարզպետի տեղակալի պաշտոնակատարի պաշտոնից ազատելու մասին։–0–
