ԵՐԵՎԱՆ, 24 ապրիլի./Նովոստի–Արմենիա/. Լյուքսեմբուրգից Եվրախորհրդարանի պատգամավոր, Արցախի հետ բարեկամության խմբի ղեկավար Ֆրանկ Էնգելը նշել է, որ Հայոց ցեղասպանությունը XX դարում մարդկության դեմ իրականացված առաջին նման հանցագործությունն է։
Էնգելը նաև ընդգծել է, որ բոլոր մարդիկ, այդ թվում` թուրքերի երիտասարդ սերունդը պետք է ճանաչեն Հայոց ցեղասպանությունը։
«Մենք պետք է գործադրենք բոլոր ջանքերը, որպեսզի այդ ամենը չկրկնվի։ Եվրախորհրդարանը ճանաչել է ցեղասպանությունը 1987 թ.–ին, և մենք արել ենք հնարավոր ամեն ինչ այդ հարցի համար», – ասաց նա երկուշաբթի «Նովոստի–Արմենիա» գործակալությանը «Ծիծեռնակաբերդի» հուշահամալիրում ծաղիկ դնելուց հետո։
Загружается новость ...
"Право"
Ֆրանկ Էնգելը նախատեսում է ամուսնանալ Արցախում։ Պատգամավորի հարսնացուն հայաստանցի Տաթև Մանուկյանն է, ով հիմա ապրում է Բրյուսելում։
Աշխարհասփյուռ հայությունն ապրիլի 24–ին նշում է Հայոց ցեղասպանության 102–րդ տարելիցը։
Հայոց ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին շուրջ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Արևմուտքի քննադատություններին։
Հայոց ցեղասպանության փաստը ճանաչել են բազմաթիվ երկրներ, մասնավորապես` Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի, Լյուքսեմբուրգի խորհրդարանները, Կանադայի խորհրդարանի համայնքների պալատը և Լեհաստանի սեյմը, Պարագվայի Սենատը,Վատիկանը, Եվրախորհդարանը, Եկեղեցիների համաշխարհային խորհուրդը, Գերմանիայի Բունդեսթագը: -0-
