Հայաստանում կորոնավիրուսի ընդհանուր դեպքերի թիվը հասնում է 353 հազարի, նախօրեին մահվան դեպք չի արձանագրվել

ԵՐԵՎԱՆ, 24 հունվարի./Նովոստի–Արմենիա/. Հայաստանում հունվարի 24-ի` ժամը 11:00-ի դրությամբ, հաստատվել է կորոնավիրուսի 688 նոր դեպք, կատարվել է 4612 թեստավորում, առողջացել է 176 մարդ, մահվան դեպք չի արձանագրվել, հաղորդում է ՀՀ առողջապահության նախարարությունը։

Այսպիսով, հաստատվել է կորոնավիրուսային հիվանդության ընդհանուր 352399 դեպք, որոնցից 334394 առողջացած: Փաստացի բուժում է ստանում 8454 պացիենտ:

Ընդհանուր առմամբ, կորոնավիրուսի հետևանքով 8028 մահվան դեպք է արձանագրվել: Այլ հիվանդության պատճառով մահվան դեպքերի ընդհանուր թիվը 1523 է:

Ընդհանուր կատարվել է 2 679 525 թեստավորում:–0–