Հանգստյան օրերի`մայիսի 21–22–ի առավել ուշագրավ նորությունները

ԵՐԵՎԱՆ, 22 մայիսի. /Նովոստի–Արմենիա/. «Նովոստի–Արմենիա» գործակալությունը հրապարակում է հանգստյան օրերի`մայիսի 21–22–ի առավել ուշագրավ նորությունների սեփական տարբերակը։

• Բյուրականի աստղադիտարանի տնօրեն Հայկ Հարությունյանը «Նովոստի–Արմենիա» գործակալությանը հայտնել է, որ մայիսի 30–ին Մարսը Երկիր մոլորակի հետ կգտնվի վերջին տարիների ընթացքում գրանցված նվազագույն հեռավորության վրա։

• ՀՀ ՔԿ մամուլի ծառայության հաղորդմամբ` 2016 թվականի մայիսի 20-ին` ժամը 17:00-ին, «Աստղիկ» բ/կ-ից ահազանգ է ստացվել, որ Շահումյան փողոցից գլխի հրազենային վնասվածքով իրենց մոտ է տեղափոխվել 24–ամյա երիտասարդ։

• Շվեյցարիայում ընթացող թաեքվոնդոյի Եվրոպայի առաջնությանը 68 կգ քաշային կարգում հանդես եկող Սերգեյ Վարդազարյանը, առավելության հասնելով իտալացի, թուրք և ադրբեջանցի մարզիկների նկատմամբ, դարձել է Եվրոպայի առաջնության բրոնզե մեդալակիր: Իսկ 87 կգ քաշային Արման Երեմյանը դարձավ արծաթե մեդալակիր:

• Գրեթե 7–հարկանի շենքի երկարություն ունեցող տոլման դարձավ իսկական սենսացիա «Ուդուլի» տոլմայի 6–րդ ամենամյա փառատոնի ժամանակ, որն անցկացվեց մայիսի 21–ին «Մուսալեռ» հուշահամալիրի տարածքում։ Հսկայական տոլմայի հեղինակները սահմանեցին համաշխարհային ռեկորդ` գերազանցելով նախորդ տարվա ձեռքբերումը (10 մետր)։ «Համեղ» փառատոնի այցելուները, սակայն, հաշված րոպեների ընթացքում կերան խոհարարական արվեստի այդ գլուխգործոցը։ Փառատոնի հյուրերն ու մասնակիցներն, ընդհանուր առմամբ, կարողացան համտեսել տոլմայի ավելի քան 70 տեսակ, որոնք պատրաստվել են հայկական ազգային բաղադրատոմսերով։ 

• ՀՀ վարչապետ Հովիկ Աբրահամյանը շաբաթ օրը լրագրողներին տեղեկացրել է, որ սկսվել է ռուսական զենքի մատակարարումը Հայաստան։ Աբրահամյանի խոսքով` գ ընթանում է` ըստ պլանի, որևէ խնդիր չկա։–0–