Նախորդ շաբաթվա կարևոր նորությունների հնգյակը (հունիսի 17–21)
22.06.2019,
10:30
Ներկայացնում ենք նախորդ շաբաթվա կարևոր նորությունների հնգյակը (հունիսի 17–21)։
ԵՐԵՎԱՆ, 22 հունիսի./Նովոստի–Արմենիա/. «Նովոստի–Արմենիա» գործակալությունը ներկայացնում է նախորդ շաբաթվա կարևոր նորությունների հնգյակը (հունիսի 17–21)։
- ՀՀ նախագահ Արմեն Սարգսյանի հրամանագրով Ռուստամ Բադասյանը նշանակվել է ՀՀ արդարադատության նախարար:
- Հայաստանում լրագրող է ձերբակալվել՝ սպայական գումարտակի հրամանատարի տեղակալից խոշոր չափի շորթում կատարելու կասկածանքով։
- ԵԱՀԿ Մինսկի խմբի համանախագահները հայտարարություն են տարածել հունիսի 20–ին Վաշինգտոնում Հայաստանի և Ադրբեջանի արտգործնախարարների հանդիպումից հետո։ Ափսոսանքով նշելով վերջին կորուստները` համանախագահները կոչ են արել կողմերին անհապաղ քայլեր ձեռնարկել խաղաղությանը և առարկայական բանակցությունների համար բարենպաստ մթնոլորտի վերականգնման համար։ Միջնորդները կոչ են արել կողմերին հաստատել հրադադարի ռեժիմն անշեղորեն պահպանելու իրենց պարտավորությունները և զերծ մնալ սադրիչ գործողություններից։
- Հունիսի 17–ին Վենետիկի Սուրբ Ղազար կղզում կայացել է Լոնդոնի «Արսենալի» և Հայաստանի հավաքականի կիսապաշտպան Հենրիխ Մխիթարյանի ու Հրանտ Վարդանյանի թոռան՝ Բեթթի Վարդանյանի պսակադրության արարողությունը։
- ԱԱԾ-ն հանդես է եկել նոր բացահայտումներով, խոսքը Սյունիքի նախկին մարզպետի մասին է։–0–
Պատճենել հղումը
