Հրավիրում է «ՌԻԱ Նովոստին»
Ռուսական խոշորագույն տեղեկատվական գործակալություններ «ՌԻԱ Նովոստին» և «Ինտերֆաքսը», ինչպես նաև Տնտեսագիտության բարձրագույն դպրոցը (ՊՀ-ՏԲԴ) հայտարարում են «Մուլտիմեդիայի լրագրության դպրոց» համատեղ կրթական նախագծի իրականացման մասին։
Դպրոցը ստեղծվում է ՊՀ-ՏԲԴ Լրագրության բարձրագույն դպրոցի հավելյալ կրթության բաժանմունքի բազայի հիման վրա։ Այն նախատեսված է Ռուսաստանի և ԱՊՀ երկրների տարբեր մասնագիտությունների ակտիվ մարդկանց համար (բարձրագույն կրթությամբ կամ բակալավրիատն ավարտած), ովքեր ցանկանում են բարձրացնել իրենց որակավորումը կամ կարիերան շարունակել տեղեկատվական լրագրության ոլորտում։
Եվրոպական նմուշի կրթական ծրագիրն առավելագույնս մոտեցված է ամենօրյա պրակտիկային։ Նախագծի հիմնական խնդիրը մասնակիցներին տեղեկատվության հետ ունիվերսալ աշխատանքի հմտությունները փոխանցելն է՝ ներառած լրատվական նյութերի ադապտացումը տարբեր մեդիահարթակների համար (մամուլ, ռադիո, հեռուսատատեսություն, համացանց)։
Նախագծի ինքնատիպությունը տեղեկատվական լրագրության հստակ ուղղվածության և ուսման ու պրակտիկայի սերտ փոխկապվածությունն է։
Ուսումնական ծրագիրը երկու կիսամյակ է ներառում. 2008 թ. սեպտեմբերից մինչև 2009 թ. հունիս՝ յուրաքանչյուրից հետո պարտադիր քննաշրջանով և դիպլոմային աշխատանքների պաշտպանությամբ։
Ուսումնական ծրագրում ներառված են ՊՀ-ՏԲԴ և Լոմոնոսովի անվան ՄՊՀ-ի առաջատար դասախոսների դասախոսությունները, «ՌԻԱ Նովոստի» և «Ինտերֆաքս» տեղակատվական գործակալության ղեկավարների վարպետության դասընթացները, մասնագիտական դասընթացները։ Հնարավոր է նաև այս գործակալությունների արտասահմանյան ներկայացուցչություններում՝ ԱՊՀ-ում, Բալթյան երկրներում, Եվրոպայում, Չինաստանում և ԱՄՆ-ում, պրակտիկայի անցկացում։ Ուսման վարձն է՝ 170 հազար ռուբլի։
Պարապմունքները կանցկացվեն շաբաթական հինգ օր՝ երեկոյան։ Բանակից տարկետում է տրվում։
«Մուլտիմեդիայի լրագրության դպրոցի» շրջանավարտներին կտրվի պետական նմուշի դիպլոմ՝ տեղակատվական գործակալության «թղթակից» կամ «թողարկող խմբագիր» մասնագիտությամբ։
Ձեզ հետաքրքրե՞ց։ Այդ դեպքում դիպլոմի, աշխատանքային գրքույկի պատճենը և «Ես և իմ ապագա աշխատանքը» վերնագրով շարադրությունը պետք է ներկայացնել մինչև օգոստոսի 15-ը հետևյալ հասցեով՝ Ռուսաստան, 101990, Մոսկվա, Խիտրովսկի խճուղի, տ. 2/8, շենք 5, ԼԲԴ ՊՀ-ՏԲԴ։ Ընդունելությունը՝ հացազրույցի արդյունքներով։
Հավելյալ տեղեկություն կարող եք ստանալ +(495) 771-32-41 հեռախոսահամարով կամ hsemedia@gmal.com էլեկտրոնային հասցեով։-0-
