ԵՐԵՎԱՆ, 8 հուլիսի. /Նովոստի-Արմենիա/. Վերջերս տեղեկություններ են հայտնվել, որ հայ հարձակվող Յուրա Մովսիսյանը հեռանալու է ամերիկյան «Ռեալ Սոլթ Լեյք» ակումբից:

Ակումբի գլխավոր մենեջերի օգնական Էլիոթ Ֆոլը հերքել է այդ տեղեկությունը, ասելով, որ նմանատիպ տեղեկություններ հայտնվում են ամեն օր լիգայի բոլոր խաղացողների վերաբերյալ և այդ պատճառով դրանք չեն մեկնաբանության կարիք չունեն:


«Յուրան վետերան է, մեր թիմի առանցքային մասնիկը: Նա մեր լավագույն ռմբարկուն է այս պահին: Ակնկալում ենք, որ Յուրան կշարունակի իր ելույթները և լավ հանդես կգա, երբ դրա հնարավորություն ստանա»,- ասել է Ֆոլը «ESPN 700»-ի եթերում, հայտնում է armsport.am-ը: -0-