Ուրուգվայում կայացած թենիսի մրցաշարում Նալբանդյանը հաղթանակ է տարել Սաֆինի նկատմամբ

Ուրուգվայի Պունտա դել Էստայում անցկացված թենիսի մրցաշարում ռուսաստանցի թենիսիստ Մարատ Սաֆինը պարտվել է արգենտինացի Դավիթ Նալբանդյանին, հաղորդում է ՌԻԱ Նովոստին՝ հղում անելով Ֆրանս Փրես գործակալությանը:

Հանդիպումն ավարտվել է 6:2, 7:5 հաշվով՝ հօգուտ Նալբանդյանի, ով դուրս է եկել մրցաշարի եզրափակիչ:

Ավելի վաղ դեկտեմբերին Բուենոս Այրեսում կայացած մրցաշարում Սաֆինը երկու սեթերում 4:6, 5:7 հաշվով կրկին պարտվել էր աշխարհի նախկին երրոդ ռակետ Նալբանդյանին:

Սաֆինն ավարտել է իր պրոֆեսիոնալ կարիերան 2009 թ.-ին: Նալբանդյանը, ով երկար ժամանակ չէր խաղում վնասվածքի պատճառով, հաջողությամբ հանդես եկավ 2010-ի սեզոնի երկրորդ կեսում և բարձրացավ Պրոֆեսիոնալ թենիսիստների ասոցիացիայի (ATP) վարկանիշի 27-րդ հորիզոնական:-0-