ԵՐԵՎԱՆ, 16 հունիսի./Նովոստի–Արմենիա/. ՊՍԺ-ի դարպասապահ Ջանլուիջի Բուֆոնը պատմել է, թե ինչու է հրաժարվել ֆրանսիական ակումբի հետ պայմանագիրը երկարաձգելուց:
Загружается новость ...
"Право"
«Ես էմոցիաներ եմ փնտրում: Եթե դրայվի պակաս եմ զգում, որը ես փնտրում եմ, ես կարող եմ ինձ թույլ տալ խաղալ ևս մեկ տարի: Դեռ 5 ամիս առաջ ՊՍԺ-ում ինձ ասացին, որ մրցաշրջանի վերջում ես կդառնամ թիմի երկրոդ դարպասապահը։ Հունվարից ես մտածեցի դրա մասին և եկա այն եզրակացության, որ դա ինձ համար չէ: ՊՍԺ- ի որոշումը հասկանալի և ռացիոնալ էր, իսկ առաջարկը՝ գայթակղիչ, բայց 41 տարեկանում ես նորից զգացի այդ ֆիզիոլոգիական պահանջը. վառ զգացմունքներ զգալ խաղից։ Զգացմունքներն ինձ էներգիա են տալիս, նրանք թույլ են տալիս զգալ ինձ ինչ-որ մեծ բանի մաս։ Հիմա, ինչպես և անցած ամռանը, ես բացարձակ խաղաղության մեջ եմ։ Ամեն ինչ բաց է ինձ համար, բայց այս ամենը կարող է ավարտվել 12 ամիս կամ 15 օր հետո: Ես ստացել եմ մի քանի լավ առաջարկներ, բայց ես դրայվ եմ փնտրում: Ինձ չի անհանգստացնում, թե մարդիկ ինչ են մտածում շարունակելու իմ որոշման մասին։ Ես 15 տարի անց եմ կացրել փչացնելով իմ իմիջը, իսկ հաջորդ 10 տարիների ընթացքում փորձել եմ այն վերականգնել», - Բուֆոնի խոսքը մեջբերում է Corriere dello Sport-ը, հաղորդում է
armsport–ը։
Հիշեցնենք, որ հունիսի 30-ին լրանում է ՊՍԺ-ի և լեգենդար դարպասապահի միջև գործող պայմանագրի ժամկետը, որը չի երկարաձգվի փարիզյան ակումբի կողմից:–0–
