ԵՐԵՎԱՆ, 25 օգոստոսի․ /Նովոստի-Արմենիա/․ Կարմիր խաչի միջազգային կոմիտեն երկխոսություն է վարում Հայաստանի և Ադրբեջանի իշխանությունների հետ` հայ սպա Գուրգեն Ալավերդյանի խնդրի վերաբերյալ, «Նովոստի-Արմենիա» գործակալության հետ զրույցում հայտնել է կոմիտեի հայաստանյան գրասենյակի հաղորդակցման ծրագրերի ղեկավար Զառա Ամատունին։
Ավելի վաղ ՀՀ պաշտպանության նախարարությունը հայտնել էր, որ օգոստոսի 22-ին ժամը 19:30-ի սահմաններում մարտական հենակետը ստուգելու նպատակով սպա Գուրգեն Ալավերդյանը եղանակային խիստ անբարենպաստ պայմանների պատճառով
շփոթվել և մոլորվել է: ՊՆ-ն նշել է նաև, որ Ադրբեջանի ՊՆ-ի կողմից մոլորվածին որպես դիվերասանտ ներկայացնելն
ապատեղեկատվություն է։
«Հետագա գործողությունները բխելու են երկխոսության հաջողությունից, և արդյոք մենք կկարողանանք այցելել նրան: Երկխոսության հիմնական նպատակն է գնահատել նրա առողջական վիճակը և կապ հաստատել նրա ընտանիքի հետ», - ասաց Ամատունին:
Загружается новость ... "Лево"
Միաժամանակ, նա նշել է, որ ԿԽՄԿ-ն պարբերաբար շարունակում է երկխոսությունը երկու երկրների այլ քաղաքացիների վերաբերյալ՝ շեշտելով, որ օգոստոսի սկզբին կազմակերպության ներկայացուցիչներն այցելել են ադրբեջանական կողմում գտնվող Նարեկ Սարդարյանին:
«Մեր այցերը կանոնավոր են, մենք շարունակում ենք աշխատել, չնայած կորոնավիրուսին», - ասաց Ամատունին:
2020 թ. հուլիսի 8-ին` ժամը 11:00-12:00-ի սահմաններում, ԱՀ Նախիջևանի Ինքնավար Հանրապետության հետ սահմանակից ՀՀ Սյունիքի մարզի Գորայք համայնքի վարչական տարածքի արոտավայրերում սեփական անասուններն արածացնելիս անհայտ կորել է Սյունիքի մարզի Ներքին Խնձորեսկ գյուղի բնակիչ, 1990 թ. ծնված, ՀՀ քաղաքացի Նարեկ Սարդարյանը: Պարզվել է, որ կորած անասունների որոնման ընթացքում նա մոլորվել է և հայտնվել Նախիջևանի տարածքում, որտեղ էլ
գերեվարվել է: –0–
