Հայտնի է դեպրեսիայից փրկող իդեալական մթերքը

ԵՐԵՎԱՆ, 16 փետրվարի. /Նովոստի-Արմենիա/. Կալիֆոռնիայի համալսարանի մասնագետները վերլուծել են 26 հազար մարդու սննդային սովորությունները և եկել են եզրակացության, որ ընկույզն իդեալական է դեպրեսիայի դեմ պայքարում, գրում է vesti.ru-ն:

Հետազոտության մասնակիցներին բաժանել են մի քանի խմբերի` կախված նրանից, թե ինչ հաճախականությամբ են նրանք ընկույզ և այլ չարազեղեն կերել: Նաև հաշվի է առնվել, թե որքան հաճախ են նրանք ծխել և ալկոհոլ օգտագործել:


Պարզվել է, որ նրանք, ովքեր օրական կերել են գոնե 24 գրամ ընկույզ, դեպրեսիայի հավանականությունը նվազել է 26 տոկոսով, քան նրանց մոտ, ովքեր այլ տեսակի ընկուզեղեն են կեչել կամ ընդհանրապես չեն օգտագործել ընկուզեղեն: Հետաքրքիր է, որ հատկապես այդ գործոնը նշանակալի է եղել կանանց համար:

Գիտնականների խոսքով, ընկույզն ավելի մեծ էներգիա և նպատակաուղղվածություն է հաղորդել մարդուն:

Հետազոտողները խորհուրդ են տալիս օգտագործել միջերկրածովյան դիետայի մեջ մտնող մթերքներ` ձուկ, բանջարեղեն, մրգեր, ձիթապտղի յուղ և ընկույզ: -0-