ԵՐԵՎԱՆ, 7 ապրիլի. /Նովոստի-Արմենիա/. «Գրեմմի» երաժշտական մրցանակի քառակի դափնեկիր Գոնսալո Ռուբակալբան ելույթ կունենա Երևանում հայտնի ջազմեններ Էրիկո Հարլենդի և Մեթյու Բուերի հետ:
Ինչպես հայտնում են կազմակերպիչները, համերգը կկայանա Ջազի միջազգային օրը` ապրիլի 30-ին, «Արամ Խաչատրյան» համերգասրահում:
Կուբացի դաշնակահար Գոնսալո Ռուբակալբան համարվում է ջազի աշխարհի ականավոր գործիչներից մեկը: Ելույթ է ունեցել այնպիսի ջազմենների հետ, ինչպիսիք են Դիզզի Գիլփերը, Չոչա Վալդեսը, Չառլի Հայդենը: Ջազի «կնքահայր» Հերբի Հենքոքը նրան անվանել է դարի լավագույն դաշնակահար: Նա թողարկել է մոտ 25 սեղմասկավառակ, որոնցից «Նոկտյուրնը» և «Արևի երկիրը» արժանացել են Գրեմմի մրցանակի: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում