Դեդ Հասանի սպանության ադրբեջանցի պատվիրատուն մահացել է Թուրքիայում հարձակումից հետո

ԵՐԵՎԱՆ, 18 օգոստոսի. /Նովոստի-Արմենիա/. Ստամբուլում մահացել է Լենքորանսկի մականունով քրեական հեղինակություն Ռովշան Ջանիևը: Նրան համարում են օրենքով գող Ասլան Ուսոյանի սպասնության պատվիրատու, ով ավելի հայտնի է Դեդ Հասան մականունով:

Ջանիևը մահացել է Ստամբուլի հիվանդանոցում: Այդ մասին տեղեկատվությունը տարածել են ադրբեջանական ԶԼՄ-ները` հղում անելով Ստամբուլում Ադրբեջանի գլխավոր հյուպատոսությանը:

Հաղորդվում է, որ նա հիվանդանոց է հայտնվել, երբ վիրավորում է ստացել հարձակման հետևանքով: ԶԼՄ-ների հաղորդմամբ, Լենկորանսկին և նրա վարորդը հարձակման են ենթարկվել Ստամբուլում Բարբարոսայի պուրակում գտնվող հյուրանոցից հեռանալիս: Երկուսն էլ հոսպիտալացվել են ծանր վիճակով: Ավելի ուշ բժիշկները հայտնել են, որ վարորդին փրկել չի հաջողվել: Այսօր ԶԼՄ-ները հայտնում են Ջանիևի մահվան մասին, հաղորդում է НТВ-ն:

Ընդ որում, գլխավոր հյուպատոսությունից հրաժարվել են Ջանիևի մասին տեղեկատվություն տալ: Ոչինչ չեն ասել նաև Ստամբուլի հիվանդանոցում, որտեղ գտնվում էր քրեական հեղինակությունը, և Թուրքիայի առողջապահության նախարարությունում, հաղորդում է «Ինտերֆաքսը»:

Ասլան Ուսոյանը սպանվել է 2013 թ.-ի ձմռանը: Նրա վրա հարձակումը տեղի է ունեցել Մոսկվայում հունվարի 16-ին: Օրենքով գողը գլխի մահացու վիրավորանք է ստացել: -0-